«SQ-Farmatsııa» qyzmetkerlerine 179 mln teńge syıaqy tóleıdi

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide «SQ-Farmatsııanyń» basqarma tóraǵasy Erhat Esqalıevke kompanııanyń ákimshilik shyǵyndary týraly suraq qoıyldy, dep habarlaıdy QazAqparat.

«Byltyrdan bastap biz búkil júıeni qaıta júktep, ákimshilik shyǵyndardy úzdiksiz ońtaılandyryp kelemiz. Atap aıtqanda, shyǵyndardy únemdeýden 239 mln teńge artyldy. Baılanys qyzmetteri boıynsha shyǵystar qysqartylyp, ımıdjd shyǵyndary tolyq qysqartyldy. Jóndeý jumystaryna arnalǵan shyǵyndar, sondaı-aq sot daýlary boıynsha shyǵyndar da joıyldy. Mınıstrliktiń tapsyrmasy boıynsha ǵımaratty jalǵa alý shyǵystaryn bir sharshy metrge 7 000 teńgeden 5 990 teńgege deıin tómendettik. Bul naryq baǵasy. Qazir avtokólikti jalǵa paıdalanyp otyrmyz. Bul somaǵa júrgizýshilerdiń jalaqysy, qyzmet kórsetý, janarmaı shyǵyny kiredi. Onyń kólemi byltyrǵydan joǵary emes», - degen «SQ-Farmatsııa» basshysy bıyl qansha syıaqy alatyndaryn aıtty.

«SK-Farmatsııa» syıaqylarǵa bıyl 179 mıllıon teńge bóldi. Medıtsınalyq uıymdar sheńberinde alsaq, standartty soma deýge bolady. Bul syıaqynyń basqarma múshelerine qatysy joq», - dedi Erhat Esqalıev.

Kompanııa basshysy bul sóziniń mánin byla túsindirdi. Kompanııanyń burynǵy basshylyǵynyń ústinen qozǵalǵan tergeýler aıaqtalǵansha qazirgi basqarma múshelerine de jyl saıynǵy bonýstyq syıaqy tólenbeıdi.

«Óz aılyǵyma keler bolsa, ony árqashan ashyq aıtyp júrmin – 1 mln 300 myń teńge. Budan qolǵa taza túsetini mysaly, mıllıon teńgege jetpeıdi», - dedi Erhat Esqalıev.