«SQ-Farmatsııa» qoımalaryna «Spýtnık Laıt» vaktsınasynyń 150 myń dozasy jóneltildi

QARAǴANDY. QazAqparat – Qaraǵandy farmatsevtıkalyq kesheni «SQ-Farmatsııa» habtaryna koronavırýsqa qarsy bir komponentti «Spýtnık Laıt» preparatynyń 150 myń dozasyn jiberdi. Preparat Reseı Federatsııasynan jetkizildi jáne revaktsınatsııaǵa arnalǵan, dep habarlaıdy QazAqparat tilshisi.

«Spýtnık Laıt» Qaraǵandy farmatsevtıkalyq kesheniniń -35 gradýs ustaıtyn tońazytqyshtarynan biryńǵaı dıstrıbıýtordyń logıstıkalyq toraptaryna jóneltildi. Tasymaldaý arnaıy tońazytqyshtarda júzege asyryldy, onda sýyq tizbekti qatań saqtaý úshin jabdyq ornatylǵan. Preparat qoımalarǵa jetkizildi, ol elimizdiń barlyq aımaqtaryna taratylady.

«Bul partııa Qaraǵandy farmatsevtıkalyq kesheni aktsıonerleriniń sheshimimen koronavırýs ınfektsııasynyń taralýyn boldyrmaý úshin bólingen gýmanıtarlyq kómek bolyp tabylady», - delingen Qaraǵandy farmatsevtıkalyq kesheni málimetinde.