«SQ-Farmatsııa» kompanııasy AQTQ aýrýyn emdeýge arnalǵan 111 myńnan astam tabletka satyp aldy

ASTANA. 27 maýsym. QazAqparat - Biryńǵaı dıstrıbıýtor túpnusqa (brendalyq) Dıdanozınniń ARV-preparatyn (Vıdeks) jalpy somasy 24,5 mln. teńgege satyp aldy. «SQ-Farmatsııa» kompanııasy 111 myńnan astam tabletka satyp aldy, osymen AQTQ (JQTB) emdeýge arnalǵan barlyq dárilik zattardy satyp alýdy aıaqtady,

dep habarlaıdy kompanııanyń baspasóz qyzmeti.

Dıdanozın preparatyn burynyraq satyp alý «Brıstol Maıers Skvıbb» kompanııasynyń (túpnusqa preparatty óndirýshi) ótken jyldan bastap TMD elderi, onyń ishinde Qazaqstan Respýblıkasy úshin dárilik zattardy óndirýdi jáne jetkizýdi toqtatýyna baılanysty júzege asyrylmaǵan bolatyn. Sonymen qatar, Qazaqstanda osy preparattyń tirkelgen generetıgi joq.

Biryńǵaı dıstrıbıýtor ótken jyldan bastap «Brıstol Maıers Skvıbb» kompanııasymen uzaq jáne kúrdeli kelissózder júrgizdi, osynyń arqasynda qazaqstandyq naýqastarǵa erekshelik berildi. Preparattyń alǵashqy preparaty aǵymdaǵy jyldyń maýsym aıynyń aıaǵynda biryńǵaı dıstrıbıýtordyń qoımasyna túsedi, al shildede óńirlerge jóneltiledi.

Búgingi tańda qalǵan ARV-preparattaryn jóneltý jospardan 99%-dy quraıdy.

Osy toptaǵy preparattardyń áleýmettik mańyzdylyǵynyń joǵary bolýyna baılanysty «SQ-Farmatsııa» turaqty negizde ARV-preparattarmen jaǵdaıdy monıtorıngileýdi júzege asyrady.

«SQ-Farmatsııa» JShS densaýlyq saqtaýdyń biryńǵaı ulttyq júıesi sheńberinde statsıonarlar úshin dárilik zattar men medıtsınalyq maqsattaǵy buıymdardy satyp alýmen jáne olardy emdeý mekemelerine jetkizýmen aınalysady. Jalǵyz ǵana erekshelik - eresekter úshin gemofılııamen aýyratyndarǵa qan uıy­tý faktory jáne dıabetpen aýyratyndarǵa ınsý­lın­der. Jeńildikpen qamtamasyz etý, sondaı-aq ambýlatorııalyq naýqastardy emdeý úshin preparattardy satyp alýmen jetkizýdi densaýlyq saqtaýdy basqarýdyń jergilikti organdary júzege asyrady.