Sizdermen jumys isteý men úshin úlken mártebe boldy - Danıal Ahmetov ShQO halqymen qoshtasty
- Qurmetti jerlester! Birneshe jyl boıy biz Shyǵys Qazaqstan oblysynyń josparly jáne serpindi áleýmettik - ekonomıkalyq damýy, turǵyndardyń ómir súrý sapasyn arttyrý sııaqty ortaq maqsat-múddeni kózdep, birge etene jumys istedik. Sizdermen jumys isteý men úshin úlken mártebe boldy. Prezıdentimiz Qasym-Jomart Toqaev aıqyndaǵan memlekettik saıasatty tıimdi iske asyrýdaǵy komandamnyń bir bóligi bolǵandaryńyzǵa qýanyshtymyn. Biz birge kóp nársege qol jetkizdik, - dep jazdy ol áleýmettik jelidegi paraqshasynda.
Óz sózinde ol shyǵysqazaqstandyqtarǵa baǵa jetpes eńbekteri men kúsh-jigeri úshin alǵys aıtty.
- Sizder Shyǵys Qazaqstan oblysy men jalpy respýblıkanyń órkendeýi úshin tabysty jumysty jalǵastyrýǵa yqpal etetinderińizge senimdimin. Aldaǵy ýaqytta da óńir
turǵyndarynyń ıgiligi úshin tyń jobalar men ıdeıalardyń iske asyrylýyna shyn júrekten tilektespin!, - dedi D.Ahmetov.
Eske salsaq, búgin Prezıdent jarlyǵymen Danıal Ahmetov ShQO ákimi laýazymynan bosatylǵan edi.
Onyń ornyna óńirdi Ermek Kósherbaev basqardy.
Danıal Ahmetovtiń ShQO ákimi bolǵanda nesimen este qalǵany týraly da jazǵan bolatynbyz.