Syıaqy beremiz: Pavlodarda eki apta buryn joǵalǵan jigit tabylmaı jatyr

<p>PAVLODAR. kAZINFORM&nbsp;&mdash; Aqparat Aleksandr Fomındi taýyp alýǵa septigin tıgizýi tıis, dep habarlaıdy&nbsp;<a href="https://pavlodarnews.kz/k%D2%AFyzel%D1%96ske-t%D2%AFsken-pavlodarda-zho%D2%93al%D2%93an-zh%D1%96g%D1%96t-turali-a%D2%9Bparat%D2%9Ba-siya%D2%9Bi-%D2%B1siniladi" target="_blank" rel="noopener">Pavlodarnews.kz</a>.</p>

VITA eriktiler uıymynyń málimetinshe, habar-osharsyz ketken adamnyń týystary aqparat úshin syıaqy usynatyn sátter jıi bolady.

— Mundaı jaǵdaıda ushty-kúıli joǵalǵan adamdy, tipti, árbir buryshtan kóretin kezder tirkelgen. Bálkim, 26 jastaǵy Aleksandr Fomındi joǵalatyn kúnniń aldynda kórgen adamdar bar shyǵar. Іzdeý sharalaryna kómegin tıgizetin qandaı da bir aqparat bolsa, habarlasýdy suraımyz, — deıdi eriktiler.

Quqyq qorǵaý organdarynyń qyzmetkerleri, eriktiler, týystary, dostary 1 qyrkúıekte joǵalyp ketken jigitti izdeý sharalaryn kún saıyn jalǵastyrýda.

Ol sońǵy ret Ýsolka shaǵynaýdanynda bolǵan, keshke jumystan keıin dúkenge kirgen.

Er adam sońǵy kezderi kúızeliske túsken.

Ony kórgen nemese qaıda júrgeni týraly qandaı da bir mańyzdy aqparat bolsa, eriktilerdiń kelesi Whatsapp nómirleri boıynsha habarlaýǵa bolady: [phone] (Katerına), [phone] (Svetlana).

Jasyryn qalatynyna kepildik beriledi.