Sı Tszınpın Donald Trampty AQSh-taǵy prezıdenttik saılaýdaǵy jeńisimen quttyqtady

<p>ASTANA. KAZINFORM &mdash; Qytaı tóraǵasy Sı Tszınpın Donald Trampqa AQSh-taǵy prezıdenttik saılaýdaǵy jeńisimen quttyqtaý jedelhatyn joldady. Bul týraly beısenbi kúni <a href="https://russian.news.cn/20241107/0d34b750ed934ba28cda7fb7c497c615/c.html" target="_blank" rel="noopener">Sınhýa</a> aqparat agenttigi habarlady.&nbsp;</p>

Quttyqtaýdyń tolyq mátini áli jarııalanǵan joq. Degenmen, Sınhýa agenttigi Sı Tszınpınniń keıbir málimdemelerine silteme jasady, onda Qytaı basshysy Qytaı men AQSh-ty dıalog pen baılanystardy nyǵaıtýǵa, kelispeýshilikterdi durys sheshýge jáne ózara tıimdi yntymaqtastyqty keńeıtýge shaqyrdy.

«Qytaı men AQSh yntymaqtastyqtan utady jáne teketiresten utylady… turaqty, berik jáne ornyqty qytaı-amerıkan qarym-qatynastary eki eldiń múddesine qyzmet etedi jáne halyqaralyq qaýymdastyqtyń úmitin aqtaıdy», — dep keltirdi agenttik Sı Tszınpınniń sózin.

Buǵan deıin QHR SІM AQSh-taǵy prezıdenttik saılaýdaǵy Donald Tramptyń jeńisine baılanysty málimdeme jasaǵan bolatyn.

«Biz Amerıka halqynyń tańdaýyn qurmetteımiz jáne Tramp myrzany AQSh prezıdenti bolyp saılanýymen quttyqtaımyz», — dedi Qytaı SІM resmı ókili.

Kamala Harrıs Donald Trampqa qońyraý shalyp, prezıdenttik saılaýdaǵy jeńisimen quttyqtady. 

Buǵan deıin habarlanǵandaı, AQSh-tyń burynǵy prezıdenti Donald Tramp saılaýda jeńiske jetip, Aq úıge oraldy. Oǵan berilgen daýystar sany basty qarsylasy Kamala Harrısten basym tústi.

Eýroparlament fraktsııasynyń teń tóraǵalary Trampty jeńisimen quttyqtady. 

Memleket basshysy Qasym-Jomart Toqaev Amerıka Qurama Shtattary Prezıdentiniń saılaýynda aıqyn jeńiske jetken Donald Trampqa quttyqtaý jedelhatyn joldady.