Sıtszandaǵy 6,8 baldyq jer silkinisinen keıin 3600-den astam aftershok tirkeldi

<p>ASTANA. KAZINFORM &ndash; Seısenbi kúni tańǵy saǵat 8-degi jaǵdaı boıynsha, ótken aptada Qytaıdyń ońtústik-batysyna qarasty Sıtszan avtonomııalyq aýdanyndaǵy Tıngrı aýdanynda bolǵan 6,8 baldyq jer silkinisinen keıin jalpy sany 3614 jerasty dúmpýi tirkeldi, delingen Qytaı jer silkinisi jelileri ortalyǵy málimetinde. Bul týraly Kazinform <a href="https://russian.news.cn/20250114/ddb00dba84c340008a6f32224b7de35b/c.html" target="_blank" rel="noopener">Sınhýa</a> aqparat agenttigine silteme jasap habarlaıdy.</p>

Málimetter kórsetkendeı, dúmpýlerdiń kópshiliginiń magnıtýdasy 3,0-den tómen boldy. Dúısenbi kúni keshke biri 4,9, ekinshisi 5,0 baldyq eki kúshti jerasty dúmpý okrýgtegi birneshe ǵımarattyń qıraýyna ákeldi, dep habarlady jergilikti bılik.

- Turǵyndar buǵan deıin shatyrlar men paneldi úılerge kóshkendikten, ázirge zardap shekkender týraly aqparat túsken joq, - dedi okrýg úkimetiniń basshysy Djaschı Dondjýb.

Buǵan deıin Sıtszan avtonomııalyq aýdany (Qytaıdyń ońtústik-batysy) Shıgatsze qalasyndaǵy Dınjı ýezinde magnıtýdasy 6,8 baldyq jer silkinisi boldy. 

Qytaıdyń seısmologııalyq jeli ortalyǵynyń málimetinshe, jer silkinisiniń oshaǵy soltústik endiktiń 28,50 gradýsy men shyǵys boılyqtyń 87,45 gradýsynyń koordınatasynda ornalasqan. Gıpotsentr 10 km tereńdikte.

Qytaıdaǵy jer silkinisinen 126 adam qaza taýyp, 188 adam jaraqat aldy. 

Memleket basshysy Qytaı Halyq Respýblıkasynyń tóraǵasyna kóńil aıtý jedelhatyn joldady.