Sıtsılııa jaǵalaýynda ıahta sýǵa batyp ketti: sońǵy máıit tabyldy

<p>ASTANA. KAZINFORM &ndash; Italııalyq qutqarýshylar Sıtsılııa jaǵalaýynda sýǵa batyp ketken ıahtada joǵalǵan sońǵy adamnyń denesin jaǵaǵa alyp shyqty, dep jazady <a href="https://www.washingtonpost.com/world/2024/08/23/italy-missing-boaters-yacht-lynch/da1526d4-613b-11ef-ae22-cef4d8785d67_story.html" target="_blank" rel="noopener">The Washington Post.</a></p>

«Áıeldiń denesi juma kúni tabyldy», - dep habarlady jaǵalaý kúzeti. 

Ázirge áıeldiń aty-jóni resmı túrde anyqtalǵan joq, biraq buǵan deıin brıtanııalyq magnat Maık Lınchtiń 18 jastaǵy qyzy Hanna Lınch iz-túzsiz joǵalyp ketkeni habarlanǵan. 

Esterińizge sala keteıik, sársenbide ıtalııalyq súńgýirler brıtanııalyq kásipkerge tıesili Bayesian ıahtasynyń bes jolaýshysynyń denesin taýyp, jaǵaǵa shyǵardy. Barlyǵy 6 adam habar-osharsyz ketti. Olardyń arasynda 59 jastaǵy brıtanııalyq mıllıarder Maık Lınch, onyń 18 jastaǵy qyzy Hanna jáne eki erli-zaıypty boldy: Djonatan Blýmer áıeli Djýdımen jáne Krıs Morvıllo áıeli Nedamen. 

ıAhta dúısenbi kúni tańerteń Sıtsılııa jaǵalaýynda sýǵa batyp ketken. Qutqarýshylar apattan keıingi alǵashqy saǵattarda 15 adamdy, onyń ishinde bir jasar balany aman alyp qaldy. Sol kúni keshke aspaz Rıkaldo Tomastyń denesi tabyldy.