Syrtqy faktorlar AÓІSShK elderimen saýda-sattyqqa teris áserin tıgizip otyr
«Azııanyń eksport kólemi ózge kez kelgen óńirge qaraǵanda jyldam ósip keledi. Bıyl 7,4 paıyzǵa artty. Bul rette syrtqy faktorlar Qazaqstannyń AÓІSShK elderimen saýda qarqynyna áserin tıgizdi. Aıtalyq, 2024 jyldyń qańtar-qyrkúıeginde Qazaqstan men AÓІSShK elderi arasyndaǵy taýar aınalymy 56,2 mlrd dollardy qurady. Bul ótken jyldyń dál osyndaı kezeńimen salystyrǵanda 6,9 paıyzǵa tómen. Qazaqstannan AÓІSShK elderine eksport kalemi osy jyldyń 9 aıynda 9,8 paıyzǵa tómendep, 26,8 mlrd dollary boldy. AÓІSShK elderinen ımport ta 9 aıda 4,1 paıyzǵa quldyrap, 29,3 mlrd dollardy qurady», - dedi vıtse-mınıstr.
Osy oraıda Qaırat Tórebaev Eýrazııanyń ortalyǵynda ornalasqan Qazaqstannyń kóptegen azııalyq eldermen jáne óńirlermen saýda-ekonomıkalyq qarym-qatynasyn damytýǵa strategııalyq múmkindigi bar ekendigin basa aıtty.
«Eksporttyq áleýetti keńeıtý, Qazaqstan ónimderin ilgeriletý, sonymen qatar ınvestıtsııa men ınnovatsııa salasyndaǵy yntymaqtastyqty tereńdetý úshin qolaıly jaǵdaı jasaýǵa umtylamyz. Bizdiń mınıstrlik qazaqstandyq ónimderdi damytýǵa jáne shetelderde ilgeriletýge basa mán beredi. Eksportqa baǵdarlanǵan kásiporyndardy qoldaımyz jáne damytamyz, sertıfıkat alýǵa, halyqaralyq naryqtarda taýarlardy ilgeriletýge járdemdesemiz, sondaı-aq eksporttaýshylarǵa álemdik saýdanyń jańa jaǵdaılaryna beıimdelýge kómektesemiz. Bıyl bıznes úshin saýda protsesterin jeńildetýge jáne ákimshilik kedergilerdi qysqartýǵa baǵyttalǵan birqatar bastamany iske qostyq. Bizdiń bastamalarymyz turaqty ekonomıkalyq ósim men ál-aýqatty arttyrýǵa qol jetkizýge septigin tıgizedi», - dedi ol.
Buǵan deıin 2023 jyly AÓІSShK elderi Qazaqstan ekonomıkasyna 1,6 mlrd ınvestıtsııa quıǵanyn jazǵan edik.