Sırııanyń tutas bir býyny joǵalýy múmkin
«Biz taǵy bir jyl boıy soǵysqa jol berip qoıyp, qarap otyrmaýymyz kerek. Olaı etetin bolsaq, soǵystan kóz ashpaǵan, zorlyq-zombylyqty ǵana biletin urpaq ósip-jetiletin bolady», - dep málimdedi atalmysh qordyń ókili Patrık MakKormık (Patrick McCormick).
muslim.kz saıtynyń málimetine qaraǵanda, kómekke asa muqtaj tórt mıllıon sırııalyqtyń jartysyna jýyǵy kámelet jasyna tolmaǵan. Olardyń 536 myńy - áli býyny bekip, buǵanasy qatpaǵan bes jasqa deıingi balalar.
Sırııalyq bosqyndardyń teń jarymyn balalar qurap otyr. Bul jaıynda IINA aqparat taratty.
Osyndaı málimetterdi alǵa tartqan BUU-nyń Balalar qory sırııalyq balalardyń taǵdyryna alańdaıtynyn bildirdi.
Halyqaralyq Save the Children qaıyrymdylyq uıymy barrıkadanyń eki jaǵynda da balalardyń baryn jetkizdi.
Olar aqparat jetkizip, júk tıeıdi, kúzetedi. Keıde urysqa aralysyp, eresekter olardy qalqan etedi. Buǵan qosa, balalardy zorlaý, azaptaý, tutqyndaý oqıǵalary da oryn alǵan.
Jaralanyp, kemtar bolyp qalǵan balalar da kóptep kezdesedi.