Sırııanyń bombalanýyna álem qalaı ún qatty
Aıta keterligi, odaqtas úsh el Sırııa prezıdenti Bashar Asad kúshteri hımııalyq qarý qoldandy dep aıyp taqqan bolatyn.
Kreml Reseı prezıdenti Vladımır Pýtınniń resmı málimdesin jarııa etti. Onda: «Birikken Ulttar uıymy Qaýipsizdik keńesiniń sanktsııasynsyz, BUU Jarǵysyn, halyqaralyq quqyq normalary men ustanymdaryn buza otyryp, terrorızmmen kúrestiń aldyńǵy shebinde turǵan egemen elge qarsy basqynshylyq áreket jasaldy», - delingen.
Al IRNA habarlaýynsha, Irannyń Syrtqy ister mınıstrligi óz málimdesinde AQSh pen onyń odaqtastarynyń Sırııaǵa shabýylyn qatań aıyptap, mundaı basqynshylyqtyń búkil óńir men álemge teris saldary bolatyndyǵyn eskertken.
«Bul basqynshylyq halyqaralyq norma men quqyqtyń ashyq buzylýy jáne Sırııanyń ulttyq egemendigi men aýmaqtyq tutastyǵyn elemeý bolyp sanalady», - delingen Iran SІM málimdemesinde.
Al «Anadoly» agenttigi Túrkııa Syrtqy ister mınıstrliginiń málimdesin jarııa etti. Onda Sırııadaǵy operatsııaǵa qoldaý bildirilip, bul 7 sáýirde Dýma qalasyna jasalǵan hımııalyq shabýylǵa jaýap bolǵandyǵy atalyp ótilgen.
«14 sáýir kúni tańerteń Asad rejimine qarsy jasalǵan áskerı operatsııa adamzat ar-uıatynyń kórinis tabýy boldy», - delingen qujatta.
DW taratqan aqparatqa qaraǵanda, Germanııa Kantsleri Angela Merkel zymyran soqqysy Sırııa bıliginiń hımııalyq qarý qoldaný kúdigine jaýap retinde «qajet ári negizdi» bolǵandyǵyn atap ótken.
«Biz amerıkalyq, brıtandyq jáne frantsýzdyq odaqtastarymyzdyń jaýapkershilikti óz moıyndaryna alý faktisin qoldaımyz. Ásker aralasýy qajetti jáne negizdi boldy», - dep málimdedi Merkel.
Al Qytaı Sırııaǵa qarsy zymyran shabýylyna narazylyq tanytyp, ózge elderdiń egemendigin, táýelsizdigi men olardyń aýmaqtyq tutastyǵyn qurmetteýge shaqyrdy.
«QazAqparat» HAA-nyń Qytaıdaǵy menshikti tilshisiniń habaralýynsha, QHR SІM resmı ókili Hýa Chýnın máseleni konsýltatsııalar arqyly halyqaralyq quqyq normalaryna sáıkes sheshý kerektigin atap ótken.
«Halyqaralyq qoǵamdastyq BUU rólin qoldaýy tıis. Hımııalyq shabýylǵa qatysty jan-jaqty ári obektıvti tekserý júrgizý qajet», - degi Hýa Chýnın.
Aıta keterligi, BUU Bas hatshysy da AQSh, Frantsııa jáne Ulybrıtanııa kúshteriniń Sırııa nysandaryna áýeden soqqy jasaǵandyǵy týraly habarlamalardy jiti qarap otyrǵan. Bul jaıynda BUU jańalyqtar ortalyǵy taratqan onyń arnaıy málimdemesinde aıtylǵan. Bas hatshynyń atap ótýinshe, barlyq elder ásirese beıbitshilik pen qaýipsizdikti qamtamasyz etý máselelerinde Birikken Ulttar Uıymy Jarǵysyna jáne halyqaralyq quqyq ustanymdaryna sáıkes áreket etýi tıis. Onyń aıtýynsha, bul BUU Jarǵysynda anyq jazylǵan.
Sırııa tóńiregindegi ahýalǵa baılanysty UQShU uıymnyń turaqty keńesiniń shuǵyl otyrysyn shaqyrdy.