Sırııanyń keıbir qalalarynda komendanttyq saǵat engizildi

<p>ASTANA. KAZINFORM - Komendanttyq saǵat Damaskide jáne attas provıntsııada, sondaı-aq Sırııanyń Latakııa jáne Tartýs qalalarynda engiziledi, dep jazady <a href="https://tass.ru/mezhdunarodnaya-panorama/22616647" target="_blank" rel="noopener">TASS</a>.</p>

Onyń málimetinshe, bul sheshimdi qarýly oppozıtsııalyq qurylymdar «qolbasshylyǵy» qabyldady, shekteýler jergilikti ýaqyt boıynsha saǵat 17:00-den 05:00-ge deıin qoldanylady. Rejımdi buzǵandarǵa bir aı bas bostandyǵynan aıyrý jazasy qarastyrylǵan.

Jańa bılik Sırııa azamattaryn «yntymaqtastyqqa jáne komendanttyq saǵatty buzǵandar týraly habardar etýge» shaqyrdy.

27 qarashada qarýly oppozıtsııalyq qurylymdar Aleppo men Idlıb provıntsııalarynda Sırııa armııasynyń pozıtsııasyna úlken shabýyl jasady. 7 jeltoqsan kúni keshke qaraı olar birneshe iri qalalardy (Aleppo, Hama, Deraa jáne Homs) basyp alyp, 8 jeltoqsanda Damaskke kirdi, Sırııa úkimet kúshteriniń bólimsheleri qaladan ketti. Sırııa úkimetiniń basshysy Muhammed Ǵazı Ál-Jalalı respýblıkada bılikti beıbit jolmen berýge daıyn ekenin bildirdi. Reseı SІM málimdemesinde aıtylǵandaı, Bashar Asad Sırııa prezıdenti qyzmetinen ketip, bılikti beıbit jolmen berý týraly nusqaý berip, elden ketti.

Osyǵan deıin Sırııadaǵy turaqsyzdyqtar týraly jazǵan edik.