Sırııalyq tórt sarbaz Izraıldiń zymyranmen shabýylynan qaza tapty

AMMAN. QazAqparat – Damask mańynda Izraıldiń zymyranmen shabýyly saldarynan sırııalyq tórt sarbaz qaza taýyp, úsheýi jaraqat aldy, dep habarlaıdy QazAqparat tilshisi AlJazeera-ǵa silteme jasap.

Bul týraly jáne shabýyl kezinde keltirilgen materıaldyq zalal jaıynda Sırııa qorǵanys mınıstrliginiń málimdemesinde aıtylǵan.

Zymyrandar Izraıldiń soltústik-shyǵysyndaǵy Tıverııa qalasynan ushyrylǵan. Olardyń basym bóligin sırııalyq áýe shabýylyna qarsy qorǵanys júıesi qaǵyp túsirgen, dep habarlaıdy SANA agenttigi.

Izraıl áskeriniń ókili shabýyl týraly habarlamaǵa qatysty túsinikteme berýden bas tartty.