Sırııalyq arheologtar biregeı eden mozaıkasynyń fragmentterin kórsetti

ASTANA. QazAqparat - Sırııalyq arheologter Rım dáýirinen qalǵan alyp mozaıkanyń fragmentterin jurtshylyqqa kórsetti. Homs provıntsııasynda sırek kezdesetin olja tabyldy, dep habarlaıdy QazAqparat Euronews-ke silteme jasap.

Sırııalyq arheologter jurtshylyqqa Rım dáýirinen qalǵan mozaıkalyq pannonyń fragmentin kórsetti. Ol Homs provıntsııasyndaǵy Al-Rastan qalasynda jasalǵan.

Ǵalymdardyń pikirinshe, mundaı ólshemdegi edendik panel (300 sharshy metr) sırek kezdesedi. Artefakt grek mıfologııasynyń keıipkerleri: amazonkalar, sý qudaıy Poseıdon jáne nımfalardy beıneleıtin myńdaǵan túrli-tústi mozaıkalyq fragmenttermen qaptalǵan.
Onda troıalyq soǵysqa qatysqan bıleýshilerdiń esimderin de kórýge bolady. Sonymen qatar, taqtada Gomerdiń «Ilıada» ejelgi grek eposynyń bir kórinisi – kentavrlar shaıqasy bar.
Qazba jumystary áli jalǵasyp jatyr, óıtkeni pannonyń jartysy áli tabylmaǵan.