Sırııaǵa ketken aqtóbelik áıel Bas prokýratýranyń qara tiziminde
Áıeldiń esimi «Qylmyskerlerge izdeý salý» baǵanynda tur. Jeke saýalnamamen qatar basyna oramal taqqan Álmaǵambetovanyń sýreti bar. Іzdeý sebebi de jazylǵan: «Іzdeý salynǵan áıel tergeýden boı tasalady. 29 jastaǵy jubaıy Aqmaral Álmaǵambetovany onyń zańdy zaıyby Mirbolat Jamanqulov izdeýge tyrysýda. Er adam áıelin habar-osharsyz ketti dep taný týraly ótinishpen júgingen.
Erli-zaıyptylar 2005 jylǵy 19 aqpanda nekege otyrǵan, 2004, 2008 jáne 2012 jylǵy týǵan kámelettik jasqa tolmaǵan úsh balasy bar. Quqyq qorǵaý qyzmetkerlerine aqtóbelik áıeliniń joǵalyp ketýiniń keıbir sebepterin aıtyp bergen: 2013 jylǵy naýryzda ol Almatyǵa, ol jerden Qyrǵyzstanǵa ketken. Keıinnen uıaly telefonnan habarlasyp, Sırııada ekenin aıtqan. Sodan keıin aqparat úzilgen. Sonymen birge úsh balanyń anasyna terrorızm men ekstremızmdi nasıhattaý, lańkestik top qyzmetine qatysý, dinı alaýyzdyq týdyrý faktileri boıynsha qylmystyq is qozǵalǵany anyqtaldy.
Osyǵan baılanysty oǵan halyqaralyq izdeý jarııalandy. Quqyq qorǵaý organdary bergen málimetterge sáıkes Aqmaral Álmaǵambetova jaıaý Qazaqstan Respýblıkasynyń shekarasynan Qyrǵyz Respýblıkasyna ótken. Osyǵan baılanysty ony sotta habar-osharsyz ketti dep taný úshin negiz bolmaǵan. Aqtóbe qalasynyń 2016 jylǵy 20 qazandaǵy sheshimimen Jamanqulovtyń ótinishi qanaǵattandyrýdan bas tartyldy. Sot sheshimi zańdy kúshine engen joq, dep habarlady Aqtóbe oblystyq sotynyń baspasóz qyzmetinen.