Sırııadaǵy soǵys 111 jastaǵy keıýanany bosqynǵa aınaldyrdy
01:47, 17 Mamyr 2018
ASTANA. QazAqparat - Sırııadaǵy uzaqqa sozylǵan soǵys 111 jastaǵy keıýana Leıla Salehty bosqynǵa aınaldyrdy, dep habarlaıdy euronews.
Ol qolyndaǵy qujat boıynsha 1907 jyly Sırııadaǵy Kobanı qalasynda dúnıege kelgen. Leılanyń ulty kúrd. 100 jasqa tolǵan mereı toıyn atap ótken qarııany Sırııada bastalǵan soǵys ómir boıy tirshilik keship kelgen úıin tastaýǵa májbúr etti. Ol balalarymen birge aldymen Túrkııany panalady, odan soń teńiz arqyly Grekııaǵa ótken.
Júzden asqan Leılaǵa bosqyn mártebesi berilgen, biraq uly men kelini, nemereleri jáne eki shóberesinde ondaı statýs joq.
Olardyń qujattary aldaǵy jyldyń qańtarynda qaıta qaralmaq. Quqyq qorǵaýshylar bul otbasyna kómektesýge árekettenip jatyr.