Sırııadaǵy ahýal: UQShU Turaqty keńesi málimdeme qabyldady
Ujymdyq qaýipsizdik týraly shart uıymy Turaqty keńesiniń
Sırııa aýmaǵyna zymyranmen shabýyl jasaýǵa baılanysty
MÁLІMDEMESІ
«Ujymdyq qaýipsizdik týraly shart uıymynyń Turaqty keńesi Sırııa Arab Respýblıkasynyń (SAR) aýmaqtyq tutastyǵy men birligin, egemendigin qoldaıtynyn rastaı otyryp, 2018 jylǵy 14 sáýirinde halyqaralyq quqyqtyń normalary men negizgi qaǵıdattaryn buzý jolymen Birikken Ulttar Uıymynyń jarǵysyna qaramastan BUU Qaýipsizdik Keńesiniń sanktsııasynsyz Ulybrıtanııa, Frantsııanyń qoldaýymen AQSh-tyń zymyranmen jasaǵan soqqysyn aıyptaıdy.
Osy áreket Sırııadaǵy terrorıstik qaýipterdi tezirek joıý jáne ishki sırııalyq qaqtyǵystardy saıası-dıplomatııalyq quraldarmen sheshý boıynsha kúsh salýǵa qarama-qaıshy jaǵdaıdy týdyrady, atalǵan eldegi jaǵdaıdy gýmanıtarlyq degradatsııaǵa alyp keledi dep esepteıdi. Bul sonymen qatar aımaqtaǵy jáne jalpy álemdegi shıelenistiń ary qaraı birtindep údeýine alyp keledi.
UQShU Turaqty keńesi BUU Qaýipsizdik keńesin halyqaralyq beıbitshilik pen qaýipsizdikti qoldaý jáne qalpyna keltirý boıynsha halyqaralyq birlestikter júktegen mindetterdi oryndaýǵa barynsha kúsh salýǵa shaqyrady. Sırııa halqynyń búdan arǵy qasiretiniń jáne qazirgi zamannyń halyqaralyq qarym-qatynastarynyń júıesine zııan keltirilýiniń aldyn alý múddesi úshin halyqaralyq quqyq quraldary men qaǵıdattaryn qatań túrde qoldaný SAR-daǵy daǵdarystyń órship ketýiniń aldyn alý múmkindigin saqtaıtynyna senimdimiz.
14 sáýir 2018 jyl. Máskeý q.»
Aıta ketsek, UQShU quramyna Armenııa Respýblıkasy, Belarýs Respýblıkasy, Qazaqstan Respýblıkasy, Qyrǵyz Respýblıkasy, Reseı Federatsııasy men Tájikstan Respýblıkasy kiredi.