Sırııadaǵy áskerı akademııaǵa drondar shabýyldap, júzdegen adam qaza tapty

<p>Homs qalasyndaǵy áskerı akademııaǵa ushqyshsyz basqarylatyn ushý apparattarymen shabýyl jasalyp, 100 adam qaza taýyp, ondaǵan turǵyn jaraqat aldy. <a href="https://kaz.inform.kz/" target="_blank" rel="noopener">QazAqparat</a> bul týraly <a href="https://www.bbc.com/news/world-middle-east-67017010" target="_blank" rel="noopener">BBC News</a> basylymyna silteme jasap habarlaıdy.</p>

Іshine jarylǵysh zat salynǵan drondar akademııanyń bitirý saltanatty sharasyna shabýyldaǵan. Oǵan kýrsanttardyń otbasylary qatysyp jatqan bolatyn, qaza tapqandar arasynda áıel men balalar bar.

Sırııa áskeri oqıǵaǵa «tanymal halyqaralyq kúshter qoldaıtyn lańkestik toptardy» aıyptady.

Boljam boıynsha, ushqyshsyz basqarylatyn apparattar shabýyly Homs qalasynan soltústik-batysqa qaraı oppozıtsııa baqylaıtyn aýdandardan jasalǵan.

Sırııanyń Sana memlekettik aqparat agenttigi Qarýly kúshterdiń bas qolbasshylyǵynyń málimdemesin taratty. Onda ishinde jarylǵysh zat bar birneshe dron kúndiz ótken bitirý saltanatynan keıin birden Homs áskerı akademııasyn shabýyldaǵany aıtylǵan.

Agenttik keıingi esebinde densaýlyq saqtaý mınıstri Hasan ál-Gabbashtyń málimdemesin jarııalady. Ol shabýyldan 200-den astam adam zardap shekkenin, qurbandar qatarynda áıelder men balalar bar ekenin aıtqan.

Oqıǵa ornyn bezendirýge kómektesken er adam saltanatty sharadan keıin qatysýshylar alańǵa túskenin, sol jerde jarylys bolǵanyn aıtyp berdi.

- Biz onyń qaıdan shyqqanyn bilmeımiz, barlyq jerde máıitter jatty», - dedi ol.

Shabýyl saldary taspalanǵan vıdeoda ondaǵan jaraly adam men olardyń týystary qabyrǵamen qorshalǵan úlken alańda kómek surap, aıqaılap jatyr. Artta atys daýysy estiledi.

Sırııanyń adam quqyqtarynyń saqtalýy boıynsha monıtorıng ortalyǵy (SOHR) Sırııanyń qorǵanys mınıstri saltanatty sharaǵa qatysqanyn, biraq shabýyldan birneshe mınýt buryn ketip qalǵanyn habarlady.