Sırııada zilzaladan qaza tapqandar sany 2530 adamǵa jetti

AMMAN. QazAqparat – Osy saǵatta Sırııada jer silkinisinen qaza tapqandar sany kem degende 2 530 adam jáne jaraqat alǵandar sany 4654 adam, dep habarlaıdy QazAqparat tilshisi Sırııanyń densaýlyq saqtaý mınıstrligi men «Sırııa azamattyq qorǵanysy» uıymyna silteme jasap.

Sırııanyń densaýlyq saqtaý mınıstri Hassan Mýhammad Al-Gobash qaza tapqandar sany 1250 adamǵa jáne jaraqat alǵandar sany 2054 adamǵa jetkenin habarlady. Bul derekter izdeý-qutqarý jumysy jalǵasyp jatqandyqtan áli ózgerýi múmkin.
Mınıstrlik zardap shekken provıntsııalarǵa jedel járdem kólikteri men 28 mobıldi klınıka jibergen, olar qajetti materıaldarmen jáne bilikti qyzmetkerlermen jabdyqtalǵan.
Sonymen qatar, «Aq dýlyǵa» dep atalatyn «Sırııanyń azamattyq qorǵanysy» 1280-nen astam adam qaza taýyp, 2600-den astam adam jaralanǵanyn habarlady. Onyń qutqarý brıgadalary úkimettiń baqylaýynan tys jerlerde jumys isteıdi. «Olardyń sany aıtarlyqtaı artatyn shyǵar, óıtkeni júzdegen otbasy jer silkinisinen keıin 50 saǵattan astam ýaqyt boıy úıindi astynda qalǵan», - dedi uıymnan.
Sırııa bıligi men Sırııa toptarynyń baqylaýyndaǵy aýmaqtarda osy saǵatqa deıin qaza tapqandardyń jalpy sany 2530 adamdy qurap otyr.

Foto: Anadolý agenttigi