Sırııada jer silkinisinen qaza tapqandar sany 100 adamnan asty

BEIRÝT. TASS - QazAqparat – Túrkııada bolǵan zilzala saldarynan Sırııada qaza tapqandar sany 100 adamnan asty, dep habarlaıdy QazAqparat TASS-qa silteme jasap.

Aqparatqa sáıkes, ondaǵan adam Aleppo, Idlıb, Latakııa men Hama provıntsııalarynda qıraǵan ǵımarattar úıindileriniń astynda qalǵan. Qırandylar astynan shyǵarylǵan adamdar sany 400 adamǵa jetti. Qutqarý jumystary nóser jańbyrǵa qaramastan jalǵasyp jatyr.

Buǵan deıin habarlanǵandaı,Túrkııanyń ońtústik-shyǵysyndaǵy Gazıantep provıntsııasynda 7,4 magnıtýdasyna deıin úsh ret jer silkindi. 7,4 baldyq eń qýatty jerasty dúmpýi Kahramanmarash provıntsııasyndaǵy Pazardjık aýdanynda jergilikti ýaqyt boıynsha 04:17-de, 7 km tereńdikte boldy. Sodan keıin ártúrli aımaqtarda - Adana, Ankara, Antalıa, Gazıantep, Kaıserı, Mersın, Trabzon, Ýrfada jer silkingen.
Qaza tapqandar men zardap shekkender týraly aqparat tolyqtyrylyp jatyr.Sońǵy málimetke sáıkes, qaza bolǵandar sany 76-ǵa jetti, 440 adam jaraqat aldy. Qıraǵan ǵımarattar sany - 140.