Sırııada jer silkinisinen 2,8 myń adam qaza boldy

ASTANA. QazAqparat – Sırııanyń túrli aımaqtarynda eki joıqyn jer silkinisi qurbandarynyń sany 2802-ge deıin ósti. Zardap shekkenderdiń sany – 5 035, dep habarlaıdy QazAqparat Anadolý agenttigine silteme jasap.

6 aqpannan beri Idlıb, Aleppo, Hama, Lazkıe jáne Tartýs aýdandarynda izdeý-qutqarý jumystary jalǵasýda.

SANA aqparat agenttiginiń habarlaýynsha (Bashar Asad rejıminiń baqylaýynda) Aleppo, Latakııa, Hama jáne Tartýsta 1262 adam mert bolyp, 2 285 adam jaralandy.

Sırııanyń soltústigindegi oppozıtsııa baqylaýyndaǵy aýdandarda kóptegen ǵımarattar qırap, búlingen.

Sırııanyń adam quqyqtaryn qorǵaý uıymy (SNHR) jáne Sırııanyń azamattyq qorǵanys basqarmasy Idlıb pen «Evfrat qalqany» jáne «Záıtún butaǵy» operatsııalary aımaǵynda kem degende 1540 adam qaza taýyp, 2 750 adam jaralanǵanyn habarlaıdy.

Túrkııadaǵy jer silkinisi kórshiles elderde, sonyń ishinde Sırııada, Lıvanda, Kıpr aralynda jáne Irakta da tirkeldi.

Túrkııada jer silkinisinen qaza bolǵan adam sany 9 057-ge jetti, 52 979 adam jaralandy.