Sırııada terrorıstik toptyń quramynda bolǵan Qazaqstan azamaty Túrkııadan Qazaqstanǵa jetkizildi

<p>10 qarashada UQK qyzmetkerleri 2013 jyldan bastap Sırııada terrorıstik toptar quramynda bolǵan QR azamatyn Túrkııadan Qazaqstanǵa jetkizdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

UQK baspasóz qyzmetiniń málimetinshe, onyń radıkaldyq ıdeıalardan kóńili qalǵany, óz erkimen terrorıstik áreketten bas tartyp, Túrkııaǵa ótkeni jáne otanyna oralý úshin bılik ókilderine berilýdi sheshkeni belgili.

Óziniń áreketimen ol basqa sodyrlarǵa olardyń odan ári terrorıstik belsendilik aımaqtarynda bolýdyń keleshegi joq ekenin kórsetpek boldy.

Qazaqstanǵa kelgennen keıin ol qamaýǵa alyndy.

Oǵan qatysty Qylmystyq kodekstiń 257-baby (terrorıstik top qurý, oǵan basshylyq etý jáne onyń áreketine qatysý) boıynsha qylmystyq is tergep-tekserilip jatyr.

Erikti túrde berilý faktisi tergeý barysynda eskeriletin bolady.