Sırııada qoǵamnyń barlyq salasyn qamtıtyn úkimet qurylady
Jaqynda Sırııa Syrtqy ister mınıstri joǵary dárejeli delegatsııany Saýd Arabııasyna bastap bardy, bul Sırııanyń jańa ákimshiliginiń resmı delegatsııasynyń alǵashqy sheteldik sapary boldy.
Beısenbi kúni Asad ash-Shaıbanı Sırııanyń Qorǵanys mınıstrimen birge Er-Rııadta Saýd Arabııasynyń Qorǵanys mınıstri hanzada Halıd ben Salmanmen, sondaı-aq Koroldiktiń Syrtqy ister mınıstri Feısal bın Farhanmen kezdesti.
– Sapar barysynda biz sırııalyq qoǵamnyń barlyq sektorlaryn qamtıtyn seriktestik pen tıimdilikke negizdelgen úkimet qurý, sondaı-aq ınvestıtsııaǵa jol ashatyn ekonomıkalyq damý josparyn iske qosý, strategııalyq seriktestik ornatý jáne halyqtyń ómir súrý deńgeıin jaqsartý jónindegi ulttyq kózqarasymyzdy jetkizdik, - dep málimdedi Asad ash-Shaıbanı áleýmettik jelide.
Buǵan jaýap retinde Saýd Arabııasynyń «Korol Salman atyndaǵy qutqarý jáne gýmanıtarlyq kómek ortalyǵynyń» (KSRelief) delegatsııasy juma kúni Damaskige bardy, onda gýmanıtarlyq jáne medıtsınalyq yntymaqtastyqty talqylaý úshin Sırııa densaýlyq saqtaý mınıstri Maher ash-Sharaamen kezdesti.
Sırııa men Saýd Arabııasy arasyndaǵy áýe kópiriniń bir bóligi retinde 3 KSRelief ushaǵy gýmanıtarlyq kómekpen Damask áýejaıyna kelip jetti.
8 jeltoqsanda Sırııanyń burynǵy prezıdenti Bashar Asad taqtan taıdyrylǵannan beri Haıat Tahrır ash-Sham bastaǵan oppozıtsııalyq toptar arab elderi men halyqaralyq qaýymdastyqty «eldi barlyq sırııalyqtardyń múddesi úshin basqaratynyna» sendirýge tyrysyp jatyr.
Senbi kúni Sırııanyń syrtqy ister mınıstri «turaqtylyqty, qaýipsizdikti, ekonomıkany qalpyna keltirýdi qoldaý jáne nyq seriktestik ornatý úshin» aldaǵy kúnderi Katarǵa, Birikken Arab Ámirlikterine jáne Iordanııaǵa baratynyn málimdedi.
Aıta keteıik, Ázerbaıjan Respýblıkasy Prezıdentiniń tıisti tapsyrmasyna sáıkes, eldegi gýmanıtarlyq problemalardy joıýǵa kómektesý úshin 30 jeltoqsanda Bakýden ártúrli azyq-túlik ónimderinen turatyn 10 júk kóligi Sırııaǵa jóneltildi.