Sırııaaralyq kelissózderde ótetin oryn mańyzdy emes - Kóshkinbaev

ASTANA. QazAqparat - Qazaqstan úshin sırııaaralyq kelissózder boıynsha halyqaralyq kezdesýdiń qaıda ótetindigi mańyzdy emes. Mańyzdysy dıalog protsesiniń ózi. Mundaı pikirdi Qazmedıa ortalyǵynda BAQ ókilderine suhbat bergen QR Prezıdenti janyndaǵy Qazaqstannyń strategııalyq zertteýler ınstıtýty dırektorynyń orynbasary Sanat Kóshkinbaev málim etti, dep habarlaıdy QazAqparat.

«Qalaı degenmen suhbattastyq ótýde. Bul prezıdentter Pýtın men Erdoǵannyń bastamalary. Al Nursultan Nazarbaev bul bastamany qoldady. Bul rette biz - osynaý alańdy usynǵan ádil broker, beıtarap tarappyz. Túrli taraptyń, Sırııa úkimetiniń, oppozıtsııalyq toptardyń, Túrkııa, Iran, Reseıdiń, oıynshylardyń belgili bir senimine ıemiz. Biz barlyq tarappen jaqsy qarym-qatynastamyz. Jeneva yńǵaıly alań, ınfraqurylym sanalady», - dedi ol.

Sonymen qatar ol Qazaqstan Sırııa boıynsha beıbit dıalogqa múddeli ekendigin basa aıtty.

«Ózderińiz de biletindeı, Sırııa tóńireginde oryn alyp otyrǵan lańkestik qaýip ulttyq jáne óńirlik shekaradan shyǵyp ketip, janjaldar týyndatýda. Olar barlyq halyqaralyq qaýipsizdikti ýlap, qıyndata túsýde. (...) Bul Qazaqstannyń bitimgershilik úlesi. Biz úshin ótken orny emes kelissózderdiń ózi mańyzdy. Ol Astana nemese Jeneva bolsyn. Biraq, eń mańyzdysy suhbat protsesi», - dedi  Kóshkinbaev.