Sırııa jónindegi joǵary deńgeıli 18-halyqaralyq kezdesý 2022 jyly ótedi
17:41, 22 Jeltoqsan 2021
NUR-SULTAN. QazAqparat – Astana protsesi aıasynda Sırııa jónindegi joǵary deńgeıli 18-halyqaralyq kezdesý 2022 jyldyń birinshi jartyjyldyǵynda Nur-Sultan qalasynda ótedi, dep habarlaıdy QazAqparat tilshisi.
Bul jaıynda atalǵan kezdesýdiń kezekti otyrysyn qorytyndylaǵan QR SІM Taıaý, Orta Shyǵys jáne Afrıka departamentiniń dırektory Ońtalap Ońalbaev jarııa etti.
«Taraptar 2022 jyldyń birinshi jartyjyldyǵynda sanıtarlyq-epıdemıologııalyq ahýaldy eskere otyryp, Nur-Sultan qalasynda Sırııa jónindegi joǵary deńgeıli 18-halyqaralyq kezdesýdi ótkizýge ýaǵdalasty», - dep atap ótti ol.
Sonymen qatar Ońtalap Ońalbaev oraıy kelgen sátte Astana formatynda Túrkııa, Iran jáne Reseıdiń, ıaǵnı kepilger elder mınıstrleriniń úshjaqty kezdesýi Iran Islam Respýblıkasynda uıymdastyrylatynyn aıtty.