13:03, 20 Jeltoqsan 2017

Sırııa jónindegi Astana protsesine qatysýshylar elordaǵa kelýde

ASTANA. QazAqparat - Sırııadaǵy soǵys is-qımyldaryn toqtatý rejıminiń kepilger elderiniń delegatsııalarǵa elordaǵa kelýde. Olar 21-22 jeltoqsan kúnderi ótetin kelissózderdiń kezekti raýndyna qatysatyn bolady, dep habarlaıdy QazAqparat QR SІM baspasóz qyzmetine silteme jasap.

Reseı delegatsııasyna RF Prezıdentiniń Sırııa jónindegi arnaıy ókili Aleksandr Lavrentev basshylyq jasaıdy. Al Túrkııa tarapynan Syrtqy ister mınıstriniń orynbasary Sedat Onal, Irannan atalǵan eldiń Syrtqy ister mınıstriniń orynbasary Hýseın Djaberı Ansarı bastaǵan delegatsııalar keledi.

Sonymen qatar atalǵan kezdesýge Sırııa úkimetiniń jáne sırııalyq oppozıtsııanyń, BUU-nyń, baıqaýshy elder AQSh pen Iordanııanyń ókilderi qatysady dep kútilýde.

Aıta keterligi, 21 jeltoqsan kúni ekijaqty jáne kópjaqty konsýltatsııalar ótkizý josparlanǵan. Al 22 jeltoqsanda jalpy otyrys ótkizý kózdelgen.

Astana Astana protsesi Sırııa QR SІM Qazaqstannyń syrtqy saıasaty Qazaqstannyń halyqaralyq qyzmeti. Syrtqy saıasat

Marlan Jıembaı

Abaı oblysynyń Aıagóz aýdanynda dúnıege kelgen. Ál-Farabı atyndaǵy Qazaq ulttyq ýnıversıtetiniń fılologııa fakýltetin bitirgen. 2005 jyldan beri "QazAqparat" halyqaralyq aqparat agenttiginde jumys isteıdi.