Sırııa oppozıtsııasynyń Astana protsesinen ne kútetindigi belgili boldy

ASTANA. QazAqparat - Sırııa oppozıtsııasynyń keńesshisi ıAhıa al-Arıdı Sırııalyq retteý jónindegi halyqaralyq kezdesýden (Astana protsesi) ne kútetindikterin aıtty, dep habarlaıdy QazAqparat.

BAQ ókilderiniń eger Astana kelissózderi nátıjesiz bolsa Jenevada odan ary talqylaý bola ma degen saýalyna jaýap bergen ol: «Astana kezdesýi Sırııadaǵy soǵysty toqtatýǵa qol jetkizý, sonymen qatar adamdardyń ómirine qatysy bar jekelegen problemalar úshin oılastyrylǵan», - dedi.

«Eger bul máseleler boıynsha kelisimge qol jetkiziletin bolsa, onda qorytyndy qujat BUU Qaýipsizdik keńesiniń 2254 qararyna jáne 2012 jylǵy jenevalyq kommıýnıkege sáıkes saıası aýysýdy ilgeriletý úshin Jenevada usynýǵa barynsha salmaqty bolady», - dep qosty ıAhıa al-Arıdı.

Aıta keteıik, elordadaǵy «Rıksos» qonaq úıinde ótip jatqan Sırııa janjalyn retteý jónindegi halyqaralyq kezdesýge Sırııanyń úkimettik delegatsııasynan BUU janyndaǵy osy eldiń turaqty ókili Basar al-Djafarı, shamamen 15 oppozıtsııalyq toptyń ókili, RF Prezıdentiniń sırııalyq retteý máseleleri jónindegi arnaýly ókili Aleksandr Lavrentev, Túrkııa  Syrtqy ister mınıstrniń orynbasary Sedat Onal Iran Islam Respýblıkasy Syrtqy ister mınıstriniń orynbasary Sadek Hýseın Djaberı Ansarı, BUU bas hatshysynyń Sırııa jónindegi arnaýly ókili Staffan de Mıstýra men Qazaqstandaǵy AQSh Elshisi Djord Krol qatysýda.