Sırııa oppozıtsııasy Reseı usynǵan Konstıtýtsııa jobasyna narazy
Atap aıtqanda, Astanadaǵy sırııaaralyq kelissózder barysynda Reseı tarapy usynǵan eldiń Konstıtýtsııasy jobasynan Sırııalyq oppozıtsııa bas tartty. Bul jaıynda Bloomberg kelissózderde kóterilisshiler delegatsııasynyń múshesine silteme jasap habarlady.
«Biz olarǵa (reseılikterge) Sırııanyń Konstıtýtsııasyn tek bizdiń halyq qana jazýǵa quqyly ekenin qadap aıttyq. Irakta Pol Bermerdiń (2003-2004 jyldary Irakta prezıdent kishi Djordj Býshtyń ókiletti ókili boldy) tájirıbesi aıtarlyqtaı túsinikti ǵoı, ıaǵnı ózge el jazyp bergen Konstıtýtsııa jumys istemeıdi»,-dedi ıAhıý ál Arıdı telefon arqyly bergen suhbatynda.
Sonymen qatar ol Máskeý usynǵan qadamdardyń tolyq mán-jaıyn aıtýdan bas tartty.
RBK-ǵa budan buryn málim bolǵandaı, Konstıtýtsııa jobasy sırııalyqtarǵa ekinshi merzimge qaıta saılaý múmkindiginsiz prezıdentti jeti jylǵa saılaý usynysyn qamtyp otyr. Sonymen qatar qujat prezıdent ókilettigin qos palataly parlamenttiń paıdasyna qaıta bólýdi eskeredi. Reseı usynysynda kúrd avtonomııasyn qurý máselesi de kóterilgen eken.
Esterińizge sala keteıik, aǵymdaǵy aptanyń basynda eki kún qatarynan Astanada sırııalyq máseleler boıynsha kelissózder ótti. Astana protsesine 7 taraptyń ókili qatysty. Atap aıtqanda, Sırııanyń úkimettik delegatsııasyn BUU janyndaǵy osy eldiń turaqty ókili Basar al-Djafarı basqardy. Sırııalyq oppozıtsııa delegatsııasynda shamamen 15 oppozıtsııalyq toptyń ókili boldy.