Sırııa oppozıtsııasy: Qazaqstan talaı jannyń ómirin saqtap qalýda

ASTANA. QazAqparat - Qazaqstannyń arqasynda talaı sırııalyqtyń ómiri saqtaldy. Bul týraly búgin Astana protsesi 6-shy raýndynyń qorytyndysyna oraı ótken brıfıngte kelissózder jónindegi sırııalyq joǵary komıtettiń keńesshisi ıAhıa al-Arıdı aıtty, dep habarlaıdy QazAqparat.

«Qazaqstanǵa bizdi qabyldaǵany úshin, shıelenistiń basylý protsesine zor úles qosyp, jaǵdaı ýshyqqan aımaqtyń ómirin saqtaǵany úshin alǵysymdy bildiremin. Ol 7 jylǵa sozylǵan  soǵysty toqtatý úshin Sırııada bitimniń, tynyshtyqtyń  ornaýyna qol jetkizýge umtylýda», - dedi ol.

Sonymen qatar elordada eki kúnge sozylǵan kezdesýlerde qandaı jaıttar kóterilgendigin de aıtty.

«Bul raýndtyń aıasynda eki mańyzdy másele kóterildi. Eń birinshisi Idlıb ólkesindegi problema jáne ony basqa da deeskalatsııa aımaǵyna qosý boldy. Kelesi bir másele túrmedegi tutqyndar jaıy boldy. Keıbireýler olardy «tirideı kómilgender» dep te aıtady. Ol jaqta ondaǵan myń adam bar. Olardyń  myńdaǵany zorlyq-zombylyqpen óltirildi. Ókinishke oraı kepilgerler tarabynan rejim aldynda bul máseleni kóterýge batyldyq jetispedi», - dedi ıAhıa al-Arıdı.

Buǵan deıin habarlaǵanymyzdaı, 6-shy raýnd nátıjesinde deskalatsııa aımaǵynyń Shyǵys Gýtta, Homs ólkesi soltústiginiń belgili bir bólikterinde, Idlıb ólkesinde jáne kórshiles ólkelerdegi jekelegen aýdandarda 4 qaýipsiz aımaq qurylǵan edi. https://kaz.inform.kz/news/siriyada-4-kauipsiz-aymak-kuryldy_a3065395