Sırııa men Týnıs keıingi 10 jylda alǵash ret elshi almasý týraly sheshim qabyldady

KAIR. TASS-QazAqparat – Sırııa Týnıstiń Damaskide elshi taǵaıyndaý týraly sheshimine jaýap retinde bul eldegi dıplomatııalyq ókildigin qaıta ashyp, elshi jiberýge sheshim qabyldady. Bul týraly qos memlekettiń birlesken málimdemesinde aıtylǵan, dep habarlaıdy QazAqparat TASS-qa silteme jasap.

«Týnıs Respýblıkasynyń Prezıdenti Kaıs Saıdtyń Sırııa Arab Respýblıkasynda elshi taǵaıyndaý týraly bastamasyna jaýap retinde Sırııa úkimeti bul taǵaıyndaýdy dereý maquldaǵanyn jarııalady jáne Týnıste Sırııa elshiligin ashyp, taıaýdaǵy jyldary elshi taǵaıyndaý týraly sheshim qabyldady», - delingen SANA agenttigi taratqan málimdeme úzindisinde.

Onda «Sırııa-Týnıs qarym-qatynasyn qalpyna keltirý maqsatynda eki eldiń syrtqy ister mınıstrleri arasynda konsýltatsııalar jalǵasyp jatqany» atalyp ótken.

Týnıs 10 jyl burynǵy qarýly qaqtyǵystan keıin Sırııamen dıplomatııalyq qarym-qatynasyn úzgen edi. Bıylǵy aqpanda Týnıs prezıdenti Damaskidegi dıplomatııalyq ókildik deńgeıin arttyrý jáne elshi taǵaıyndaý týraly sheshim qabyldaǵanyn habarlady.