Sırııa BUU-dan AQSh-tyń basqynshylyǵyna tosqaýyl qoıýýyn surady

ASTANA. 2 qyrkúıek. QazAqparat - Birikken Ulttar Uıymyndaǵy Sırııa elshisi Bashar Djafarı BUU Bas hatshysy Pan Gı Mýnge, sondaı-aq, BUU Qaýipsizdik Keńesine (QK) Sırııaǵa qarsy "kez-kelgen basqynshylyqqa" jol bermeýdi surady, dep aqparattandyrady RBK.

Bul týraly Sırııa BAQ-taryna silteme jasap, Reuters habarlaıdy.

"BUU Bas hatshysy Sırııaǵa qatysty kez-kelgen basqynshylyqqa jol bermeý jáne Sırııadaǵy saıası daǵdarysty retteý mindetin óz moınyna alýy tıis", - dep habarlady Sırııanyń dıplomatııalyq ókili óz hatynda.

Sonymen qatar, B.Djafarı "AQSh óz saıasatymen kelispegen kez-kelgen memleketke qarsy kúsh qoldanatyn memleket retinde emes, Sırııa boıynsha halyqaralyq konferentsııany daıyndaýda beıbitshilikke bastamashylyq etip, Reseıdiń seriktesi retinde bolýy tıis" dep basa aıtty.

Buǵan deıin AQSh prezıdenti Barak Obama Sırııaǵa qarsy áskerı áreket etýdi resmı túrde maquldaýyn suraǵan. Usynylǵan zań jobasy boıynsha, sırııalyq úkimetke hımııalyq qarýdy qoldanýǵa jol bermeý úshin áskerı kúshterdi paıdalanýǵa ruqsat berildi. Atalǵan másele kongress sessııasy bastalǵannan keıin 2013 jylǵy 9 qyrkúıekte daýysqa salynady.

AQSh bıligi beıbit halyqqa qarsy nervnoparalıtıkalyq gazdy qoldanǵany úshin jaýapkershilik Sırııa prezıdenti Bashar Asadtyń resmı tártibinde jatyr deıdi. 1 qyrkúıekte AQSh-tyń memlekettik hatshysy Djon Kerrı 21 tamyzda Damask qalasynyń mańynda hımııalyq qarý qoldanylǵany týraly jańa dálelderdi jarııalady. Biraq Sırııa bıligi bul oqıǵaǵa qatysty bizdiń eshqandaı qatysymyz joq dep málimdedi.