Sırııa boıynsha Astana protsesiniń kelesi kezeńi qashan ótedi
«Ótken aptada habarlaǵanymyzdaı, jýyrda Sırııa qaqtyǵysyn retteýdegi Astana protsesiniń 11-raýndy ótedi. Qazirgi ýaqytta bizde daıarlyq jumystary júrgizilip jatyr. Sırııaaralyq kelissózderdi ótkizýdiń ońtaıly ýaqytyn belgileý boıynsha garant-eldermen keńesip jatyrmyz. Aldyn ala boljam boıynsha aıtarymyz, kelissózder osy jyldyń qarashasynyń aıaǵy nemese jeltoqsanyń basynda ótedi», - dedi SІM resmı ókili Aıbek Smadııarov Astanada ótken brıfıngte.
QR SІM resmı ókiliniń aıtýynsha, Sırııa qaqtyǵysyn retteýdegi kelissózderdiń Astanada naqty qashan ótetini garant-elder men qatysýshylarǵa baılanysty.
«Ózderińiz biletindeı, 27 qyrkúıekte Ystanbulda Germanııa, Reseı, Túrkııa men Frantsııa elderiniń tórtjaqty sammıti ótken bolatyn. Ol jıynda keleshektegi Sırııadaǵy daǵdarysty saıası turǵyda retteý máselesi talqylanǵan edi. Kezdesýde BUU Bas Assambleıasynyń arnaıy ókili de qatysqan bolatyn. Kezdesýdiń qorytyndysy boıynsha taraptar Sırııanyń egemendigi men aýmaqtyq tutastyǵyn qoldaıtyndaryn rastaǵan. ıAǵnı, Sırııadaǵy daǵdarysty dıplomatııalyq jolmen ǵana retteýge kúsh salýdy jalǵastyrý kelisilgen. Onyń ishinde Astana men Sochı alańdarynda qol jetkizilgen kelissózder negizinde máseleni retteý týraly aıtylǵan», - dedi Aıbek Smadııarov.