Sırııa boıynsha 20-halyqaralyq kezdesý kelesi jyly ótedi
16:20, 23 Qarasha 2022
ASTANA. QazAqparat – Sırııa kelissózi boıynsha Astana protsesiniń jıyrmasynshy halyqaralyq kezdesýi 2023 jyly ótedi, dep habarlaıdy QazAqparat tilshisi.
Mundaı sheshim elordada búgin ótken Astana protsesiniń 19-halyqaralyq kelissózi barysynda qabyldanyp, kepilger elderdiń birlesken málimdemesinde tirkeldi.
Birlesken málimdemeni QR Syrtqy ister mınıstriniń orynbasary Ádil Tursynov jarııa etti
«Taraptar 2023 jyldyń birinshi jartyjyldyǵynda Astanada Sırııa boıynsha 20-halyqaralyq kezdesý ótkizýge ýaǵdalasty. Sondaı-aq olar 2022 jylǵy 19 shildedegi úshjaqty sammıttiń qorytyndy málimdemesinde bekitilgen Reseı Federatsııasynda kelesi joǵary deńgeıdegi kezdesýdi uıymdastyrý týraly kelisimdi atap ótti», - delingen Ádil Tursynov jarııalaǵan birlesken málimdemede.