Sırııa bosqyndarynyń óz eline oralýyna kómek kórsetiledi - Astana protsesi
«Bosqyndardyń qaýipsiz ári erikti túrde qaıtyp kelýine, olardy qaıtyp kelý quqyǵymen qamtamasyz etýge jáne Sırııadaǵy adamdardyń ishki qozǵalysyna kómektesýdiń mańyzdy ekenin basa aıtyp otyrmyz. Osyǵan baılanysty, halyqaralyq qaýymdastyqty sáıkes qoldaý kórsetýge shaqyramyz jáne barlyq múddeli taraptarmen, onyń ishinde BUU Bosqyndar isi boıynsha Joǵarǵy komıssar basqarmasymen, ózge de mamandanǵan halyqaralyq uıymdarmen ózara árekettesýge daıyn ekenimizdi málimdeımiz», - dedi QR Syrtqy ister mınıstriniń orynbasary Roman Vasılenko elordada Sırııa boıynsha kelissózderdiń 13-raýndynda kepil memleketterdiń birlesken málimdemesin oqý barysynda.
Aıta keteıik, elordada Sırııadaǵy daǵdarysty retteý boıynsha Astana protsesiniń 13-shi halyqaralyq kezdesýi ótti. Buǵan deıin Astana protsesiniń kepil memleketteri Sırııaǵa gýmanıtarlyq kómekti arttyrý qajettigin atap ótti. Al Sırııa máseleleri boıynsha kelesi kezdesý 2019 jyldyń qazan aıynda Nur-Sultan qalasynda ótedi.