Syrym Sháriphanov jemqorlyq kúdigimen ustalǵan áriptesi týraly: Ondaı adamdar bizdiń júıede bolmaý kerek

<p>Úkimet otyrysynan keıin ótken baspasóz máslıhatynda Tótenshe jaǵdaılar mınıstri Syrym Sháriphanov vedomstvodaǵy atyshýly jemqorlyq fatkileri týraly pikir bildirdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«Keshe sizge tikeleı baǵynyshty, osyǵan deıin Kókshetaýda birge jumys istegen Islam Ernazar atty qyzmetkerdi sybaılas jemqorlyqqa qarsy qyzmet ustaǵany týraly BAQ-ta aqparat shyqty. Sondaı-aq, sizdiń orynbasaryńyz Erlan Bekenov ustalǵan edi. Osy atyshýly málimetter týraly qandaı pikir bildiresiz?», - dep surady jýrnalıst.

Syrym Sháriphanov óz jaýabyn sybaılas jemqorlyqqa qarsy qyzmettiń basshylyǵyna alǵys aıtýdan bastady.

«Iá, osyndaı faktiler bar. Ol faktilermen jumys istep jatyrmyz. Onyń ishinde sybaılas jemorlyqqa qarsy qyzmetpen de jumys isteımiz. Bul baǵytta biz óte ashyqpyz. Men bizdiń ótinishterimiz boıynsha óte sapaly jumys istep jatqan sybaılas jemqorlyq qyzmetiniń basshylyǵyna alǵys aıtamyz. Siz aıtyp otyrǵan I.Ernazar azamattyq qorǵanys akademııasynda jumys isteıdi. Men ol adamdy jazǵyrmaımyn. Biraq maman retinde jaqsy sanatta bolǵan. Men úshin onyń mundaı qadamǵa barǵany kútpegen jaıt boldy. Ekinshi jaǵdaı boıynsha aıtsam, Bekenov Erlan da quqyqqa qarsy áreketke bardy. Ol úshin jaýapkershilik arqalady. Biz óz júıemizde jemqorlyqqa qarsymyz. Bul turǵyda jemqorlyq fatkilerine jol bermeı jáne aldyn alý baǵytynda belsendi jumys istep jatyrmyz. Ondaı adamdar bizdiń júıede qyzmet atqarmaý kerek. Biz ondaı faktilerdi tamyrymen joıamyz», - dedi mınıstr.

Keıin mınıstr qaıtadan sóz alyp, I.Ernazardyń isi boıynsha sot sheshimi shyqpaǵanyn eske saldy.

«Sondyqtan qazir men ol kináli nemese kinásiz dep aıta almaımyn», - dedi Syrym Sháriphanov.