Sırek kezdesetin aýrýlary bar naýqastar úshin orfandyq ortalyq qurylady

<p>ASTANA. KAZINFORM &ndash; Densaýlyq saqtaý mınıstrliginde &laquo;Qazaqstan halqyna&raquo; qoǵamdyq qorynyń Basqarma tóraǵasy Bolat Jámishevpen jáne &laquo;University Medical Center&raquo; KQ basqarma basshysy ıÝrıı Pıamen orfandyq aýrýlary bar balalarǵa medıtsınalyq kómekti jetildirý máseleleri boıynsha kezdesý ótti. Bul týraly vedomostvonyń baspasóz qyzmeti habarlady.&nbsp;</p>

Keńestiń sheńberinde sırek kezdesetin aýrýlary bar balalarǵa medıtsınalyq kómek kórsetýdi jaqsartýdyń ózekti máseleleri talqylandy.

Mınıstrlik sońǵy 3 jyldyń ishinde densaýlyq saqtaý salasyndaǵy «Qazaqstan halqyna» qoǵamdyq qorymen belsendi yntymaqtastyqta boldy jáne orfandyq, onkologııalyq, onkogematologııalyq aýrýlary bar azamattardy qymbat dárilik zattarmen qamtamasyz etý, onkologııalyq qyzmetti, balalar neırohırýrgııalyq qyzmetin, transplantattaýdy, ınfraqurylymdy jáne ońaltý ortalyqtaryn damytý jáne t. b. boıynsha 12 joba men baǵdarlamany birlesip iske asyryp otyr. 

Densaýlyq saqtaý mınıstri Aqmaral Álnazarova «Qazaqstan halqyna» qoǵamdyq qorynyń basshysyna ómirlik mańyzdy jobalardy iske asyrýǵa kómekteskeni úshin alǵys aıtyp, yntymaqtastyqty odan ári damytýdyń negizgi baǵyttaryn belgiledi. Ol Pedıatrııa jáne balalar hırýrgııasy ǵylymı ortalyǵymen jáne «Aqsaı» ýnıversıtettik balalar klınıkasymen birlesip, «University Medical Center»KQ bazasynda orfandyq aýrýlary bar balalardy emdeýge biryńǵaı keshendi tásildi qalyptastyrýdyń mańyzdylyǵyn atap ótti.

Kezdesýdiń qorytyndysy boıynsha Qazaqstanda qymbat turatyn medıtsınalyq qyzmetter men naýqastardyń osy sanaty úshin dári-dármekpen qamtamasyz etýdiń qoljetimdiligin arttyrýǵa múmkindik beretin orfandyq ortalyq qurý týraly sheshim qabyldandy.