Sırek kezdesetin 20 ósimdiktiń tuqymy ǵaryshqa jiberiledi

<p>ASTANA. KAZINFORM &ndash; Korolev atyndaǵy Samara ýnıversıtetiniń ǵalymdary ǵarysh jaǵdaılarynyń tiri organızmderge áserin zertteý jáne reseılik orbıtalyq stantsııanyń qaýipsizdigin baǵalaý maqsatynda №2 &laquo;Bıon-M&raquo; orbıtalyq zerthanasynyń bortynda ǵaryshqa jiberiletin sırek ósimdikterdiń 20 túriniń tuqymyn daıyndady. Bul týraly&nbsp;<a href="https://nauka.tass.ru/nauka/21011347" target="_blank" rel="noopener">TASS</a> agenttigi jazdy.&nbsp;</p>

«Ýnıversıtettiń botanıkalyq baǵynyń mamandary №2 «Bıon-M» orbıtalyq zerthanasynyń bortynda eksperımentke qatysý úshin ǵaryshqa ushatyn sırek kezdesetin ósimdikter tuqymynyń partııasyn tańdady», - delingen ýnıversıtettiń baspasóz qyzmeti taratqan habarlamada. 

Reseıdiń jáne Samara oblysynyń Qyzyl kitabyna engizilgen ósimdikterdiń 20 túri iriktelip alyndy: altyn volodýshka, Shrenk qyzǵaldaǵy, jińishke japyraqty sáldegúl, úsh japyraqty ólmesgúl, ilmeshekti kóknár, jıgýlevskıı kachım, qyrym asfodelınasy, kádimgi kestejýsan, júrek japyraqty katran jáne t.b. Olardyń arasynda 2013 jyly birinshi «Bıon-M» zerthanasynda ǵaryshta bolǵan tuqymdardan ósirilgen ósimdikterdiń tuqymdary da bar. 

Ýnıversıtettiń botanıkalyq baǵynyń mamandary atap ótkendeı, eksperımenttiń biregeıligi onyń nysany tabıǵı floranyń sırek kezdesetin ósimdikteriniń tuqymdary bolatynynda. Olar ártúrli áserlerge tózimdi aýyl sharýashylyǵy daqyldaryna qaraǵanda ǵaryshqa alǵash ret jiberiledi.