Sırek kezdesetin qymbat qarý-jaraqtyń túr-túrin satyp kelgen qylmystyq top ustaldy

ALMATY. QazAqparat - Ulttyq qaýipsizdik komıteti Almaty qalasynda zańsyz qarý aınalymy arnasynyń jolyn kesýge baǵyttalǵan arnaıy operatsııa ótkizdi. Onyń barysynda osyny uıymdastyrǵan kúdikti men onyń kómekshileri ustaldy, dep habarlaıdy QazAqparat.

Bul operatsııa aldynda uzaq jedel zerdeleý jumysy júrgizilgen.

Nátıjesinde oq-dárimen atatyn jáne ózge de sýyq qarýdy, sonymen qatar oq-dáriniń sırek kezdesetin túrlerin jetkizý men satý júıeleri anyqtalyp, qujatpen bekitildi.

Qaskóıler qupııalyq sharalaryn qatań saqtap, saýdalaýdyń qalyptan tys ádisterin paıdalaný arqyly qylmystyq uıymnyń jumysyn áshkereleýdi qıyndatqan.

Ýaqtyly qabyldanǵan sharalar nátıjesinde qylmystyq bızneske tosqaýyl qoıyldy.

Qarý-jaraqtyń negizgi bóligi jaqyn shet elderden qalyptasqan qupııa arnalar arqyly jetkizilip turǵan.

Zańsyz aınalymnan 12 qarý (jetildirilgen tapanshalar, myltyqtar, zamanaýı jabdyqtalǵan qarýlar), 2000 asa oq-dári, sonymen qatar sýyq qarýdyń birneshe túri (lımıt aıasynda jasalǵan qymbat pyshaqtar, qanjarlar, qylyshtar, júzi jasyrylǵan qol taıaqtar jáne basqa) alyndy.

Jedel-tergeý is-sharalary jalǵasyp jatyr.