Syrdarııany tazartýǵa bólingen 5 mlrd teńgeniń 3,7 mlrd-y basqa jobalarǵa baǵyttalady

<p>Qarjylyq monıtorıng agenttigi qabyldaǵan sharalardyń nátıjesinde tıimsiz jobalar boıynsha 5,1 mlrd teńgege qarjylandyrýǵa jol berilmedi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;vedomstvonyń <a href="https://t.me/afm_rk/2091" target="_blank" rel="noopener">baspasóz qyzmetine</a> silteme jasap.</p>

Máselen, Qyzylordada Syrdarııa ózeniniń arnasyn tazartýǵa 5 mlrd teńge qarastyrylǵan bolatyn. Alaıda, jobanyń sapasyz josparlanýyna baılanysty tazartý jumystarynan keıin qatty aǵys pen jeldiń áserinen ózen arnasy qaıta lastanyp, tolyp qala beretini eskerilmegen. QMA óńirlik departamentiniń qyzmetkerleri qabyldaǵan sharalardan keıin ákimdik 3,7 mlrd teńge kóleminde ıgerilmegen qarajatty basqa áleýmettik maqsattarǵa baǵyttady.

Sondaı-aq Kókshetaý qalasynyń Stantsıonnyı kentinde 1,4 mlrd teńgege 160 oryndyq mádenıet úıin salý josparlanǵan. Jobanyń bastapqy quny 910 mln teńgeni quraǵan, al basqa eldi mekenderde osyǵan uqsas obektilerdiń quny aıtarlyqtaı tómen bolǵan. Osyǵan baılanysty Kókshetaý qalasynyń ákimdigi shartty buzý boıynsha jumys júrgizýde. Únemdelgen qarajat esebinen basqa da áleýmettik mańyzy bar jobalar qarjylandyrylady.