Syrdarııa men Shıelidegi saılaý: mańyzdy kúndegi erekshe sátter

<p>Búgin el tarıhynda alǵash ret aýdan jáne qala ákimderi saılanady. Pılottyq saılaý Qyzylorda óńiriniń Shıeli jáne Syrdarııa aýdanynda ótip jatyr. Prezıdent bastamasymen qolǵa alynǵan saılaýdy jergilikti turǵyndar qoldap, ózi qalaǵan kandıdattarǵa daýys berýde, dep habarlaıdy <a href="Kazinform" target="_blank" rel="noopener">Kazinform.</a></p>

Tańnan beri saılaýshylar ýchaskege erte kelip, óz tańdaýlaryn jasap jatyr. Eki aýdan boıynsha 6 kandıdatqa 72 myń saılaýshy daýys bere alady. 

Saılaý kúni daýys berý ýchaskelerine balalarymen birge kelgen otbasylardyń qatary kóp. Kópbalaly otbasylardyń saıası naýqanda belsendilik tanytýy dástúrge aınalǵan. 

Foto: Kazinform

Dál osy kúni aýdanda 2 náreste dúnıe esigin ashqan. Saıası naýqanda alǵash ret daýys bergen, alǵash ret nekege otyrǵan erli-zaıyptylar da óz tańdaýlaryn jasady. Eki aýdan boıynsha 18 jastaǵy 1 011 azamat birinshi ret daýys berý mártebesine ıe boldy. Munan bólek, ákeler jáne ájeler ansambli, polıtsııalar men ustazdar dınastııasynyń ókilderi de bıýlleten alyp, daýys berdi. 

Foto: Kazinform

Saılaý kúni 109 biryńǵaı baılanys ortalyǵy úzdiksiz jumys istep tur. Osy ýaqyt aralyǵynda ártúrli suraqtarmen 129 ret qońyraý túsken. 

Saılaýda 344 azamat úıden daýys berýge ótinish qaldyrǵan. Olardyń bárine de tasymaldanatyn jáshik barady. 

Foto: Kazinform

Barlyq ýchaskede azamattardyń daýys berý qupııalyǵy saqtalatyn arnaıy kabınalar perdelermen qamtylǵan. Sondaı-aq saılaýdyń ashyqtyǵyn baqylaýǵa kelgen tirkeýden ótken baıqaýshylardyń da legi kóp. Saǵat 15.00-ge deıin ýchaskelerde zań buzýshylyqtar tirkelmegen.

Aıta keteıik, Shıeli jáne Syrdarııada barlyǵy 58 ýchaske jumys istep tur. Daýys berý jergilikti ýaqyt 20.00-ge deıin jalǵasady. 

Foto: Kazinform

Foto: Kazinform