Sıntetıkalyq esirtki shyǵaratyn eki iri oshaq anyqtalyp, jumysy toqtatyldy - UQK
«2023 jylǵy 17 jáne 24 shildede UQK Astana qalasy men Aqmola oblysy boıynsha departamentteri Ulttyq gvardııanyń «Búrkit» arnaıy jasaǵyn jumyldyra otyryp, prokýratýra organdarynyń úılestirýimen sıntetıkalyq esirtkiniń eki iri jasyryn óndirisiniń jumysyn toqtatty.
Zańsyz aınalymnan 29 keliden asa «mefedron» psıhotroptyq zattary, 1 tonnadan asa prekýrsorlar, sonymen qatar esirtki óndirýge arnalǵan hımııalyq reagentter men arnaıy zerthanalyq qurylǵylar alyndy» delingen QR UQK baspasóz qyzmeti taratqan habarlamada.
Tárkilengen esirtkiniń «qara naryqtaǵy» baǵasy 580 mln teńgeden asýy múmkin.
Ustalǵan 4 azamatqa qatysty sot sanktsııasymen qamaýǵa alý túrindegi bultartpaý sharasy qoldanyldy.
Qylmystyq kodekstiń 297-babynyń 3-tarmaǵy (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, olardy jóneltý ne ótkizý) boıynsha sotqa deıingi tergep-tekserý júrgizilýde.
Ózge aqparat Qylmystyq-protsestik kodekstiń 201-babyna sáıkes jarııa etýge jatpaıdy.