Sıntetıkalyq esirtki bıznesimen kúreske arnalǵan bólimsheler qurylady - ІІM

<p>Qazaqstanda sıntetıkalyq esirtki bıznesimen kúreske arnalǵan bólimsheler qurylmaq. Bul týraly Májiliste esirtki qylmysyna qarsy is-qımyl taqyrybyndaǵy Úkimet saǵatynda Іshki ister mınıstri Erjan Sadenov aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Esirtkige qarsy jumysty tıimdi úılestirý maqsatynda tıisti qadamdar jasalyp jatyr. Bul rette profılaktıkalyq jáne úılestirý sharalary kúsheıtiledi. Sıntetıkalyq esirtkimen, ınternet-qylmystarmen jáne halyqaralyq esirtki bıznesimen kúresý bólimshelerin qurý esebinen Іshki ister mınıstrliginiń salalyq qyzmetin keńeıtý týraly másele sheshilip jatyr», - dedi E. Sadenov.

Bul rette mınıstr tıisti usynystar Úkimetpen kelisilgenin jáne ókiletti organdardyń qaraýyna engizilgenin aıtty.

Aıta keteıik, eger qylmys birinshi ret jasalsa, sondaı-aq kináli adam tergeý organdarymen belsendi yntymaqtastyqta bolsa, esirtki ótkizýshilerdi jaýapkershilikten bosatý múmkindigi qarastyrylmaq. 

Qazaqstanda shamamen 700-ge jýyq esirtki túri anyqtalǵan.