Sınoptıkterdiń 20 qańtarǵa kún raıy boljamy

<p>ASTANA. KAZINFORM &ndash; 20 qańtarda Qazaqstannyń basym aýmaǵyna keń antıtsıklonnyń yqpaly saqtalady. Soǵan baılanysty jaýyn-shashynsyz kún raıy kútiledi.</p>

Tek eldiń batysynda, ońtústiginde, ońtústik-shyǵysynda atmosferalyq fronttardyń ótýimen aýa raıynyń qubylmaly sıpaty baıqalady. Onymen qar, jaıaý burqasyn, kóktaıǵaq, jeldiń kúsheıýi boljanady. Respýblıkanyń ońtústik-shyǵysynda qalyń qar jaýady. Eldiń barlyq aýmaǵynda tumandy bolady.

Sınoptıkter barlyq derlik óńirde – Atyraý, Batys Qazaqstan, Qostanaı, Aqtóbe, Mańǵystaý, Jambyl, Almaty, Qyzylorda, Abaı, Soltústik Qazaqstan, Pavlodar, Túrkistan, Jetisý, Shyǵys Qazaqstan, Aqmola oblystary men Astana, Almaty jáne Shymkent qalalarynda eskertý jarııalap otyr.