Sınoptıkter naýryzda elimizdiń basym bóligi jaýyn-shashyndy bolatynyn boljady
11:28, 23 Aqpan 2021
NUR-SULTAN. QazAqparat – Naýryzda elimizdiń basym bóligi jaýyn-shashyndy bolady. Bul týraly búgin Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.
«Naýryz aıynyń sınoptıkalyq boljamyna sáıkes aýa temperatýrasy men jaýyn-shashyn mólsheri Qazaqstannyń basym bóliginde klımattyq normadan joǵary bolady», - dedi mınıstr.
Onyń aıtýynsha, qar jamylǵysynyń azdyǵyna qaramastan, aldaǵy kúnderde elimizdiń ońtústik, ońtústik-shyǵysynda qatty jaýyn-shashyn kútilýde. Ol óz kezeginde erigen qardyń sýymen qosylyp, tasqynǵa alyp kelýi múmkin.
«Qazgıdromet naýryz aıynan bastap apta saıyn negizgi gıdrologııalyq boljamdardy usynady. Onymen qosa, sý tasqyny qaýpiniń paıda bolýy týraly aldyn-ala 2-3 kún buryn habarlap otyrmaq», - dedi Maǵzum Myrzaǵalıev.