Sınoptıkter qyrkúıekte Almatyda aýa raıy qandaı bolatynyn aıtty

ALMATY. QazAqparat - Qyrkúıek aıynyń alǵashqy onkúndiginde kún ashyq, aýa temperatýrasy 27-32 gradýsqa deıin kóteriledi, dep habarlaıdy QazAqparat tilshisi.

Sınoptıkterdiń boljamynsha, kúzdiń basynda Almatyda jazǵy ystyq aýa raıy saqtalady.

Birinshi onkúndikte aýa temperatýrasy túnde +7+12-den +12+17, kúndiz +22+27-den +27+32 gradýsqa deıin kóteriledi.

Odan keıin aýa temperatýrasy túnde +5+10, kúndiz +21+26 gradýsqa deıin tómendeıdi.

«Ekinshi onkúndiktiń jartysynda aýa temperatýrasy tómendeıdi. Túnde +10+15, kúndiz +26+31 gradýs bolady. Úshinshi onkúndikte aýa temperatýrasy túnde +1+6, kúndiz +16+21 gradýsqa deıin tómendeıdi dep boljanǵan», - dep habarlady Qazgıdrometten.

Sondaı-aq, bir aıdaǵy jaýyn-shashyn mólsheri normaǵa jaqyn bolady (norma: 28 mm).

Birinshi onkúndiktiń basy men aıaǵynda, ekinshi onkúndiktiń sońynda jáne úshinshi onkúndiktiń ekinshi jartysynda ótkinshi jańbyr jaýyp, naızaǵaı oınap, jel ekpini 15-20 m/s jetedi.

«Bir aıǵa arnalǵan konsýltatıvtik boljam sınoptıkalyq jaǵdaıdyń ózgerýine qaraı túzetilýi múmkin jáne onkúndik boljammen naqtylanyp otyrady», - dep atap ótti sınoptıkter.