Sınoptıkter elimizdiń eki oblysyndaǵy ózenderde sý deńgeıi kóteriletinin eskertti
Aqmola oblysy Qalqutan ózeniniń gıdrologııalyq stansasy – Qalqutan aýylynda sý deńgeıi kóterilip, muz jyljyp jatyr.
Saǵat 12-degi jaǵdaı boıynsha sý deńgeıi krıtıkalyq deńgeıden 1 sm (krıtıkalyq deńgeı – 630 sm) asty. Ózendegi sý deńgeıiniń kóterilýi qar jamylǵysynyń qarqyndy erýinen, saılardan keletin aǵyndy sýlardan, búıirlik aǵynmen jáne ózen arnasynyń joǵary aǵys bóliginen keletin aǵynmen baılanysty.
Muz qubylystarynyń áserinen (muz jurý, muz keptelisi) sý deńgeıi odan ári kóterilip, sý ózen jaǵasyna shyǵýy múmkin. Sý deńgeıi qaýipti deńgeıden assa da, sýdyń jaıylýy baıqalmady. Qaýipti deńgeıden asqan kezde aýyldyń ózinde jáne aǵysy boıynsha tómen ornalasqan, sondaı-aq ózenniń jaıylmaly ýchaskelerinde ornalasqan eldi mekenderdi, sharýashylyq qurylystar men jergilikti mańyzy bar joldardy sý basý qaýpi saqtalady.
Jýravlevka aýyly - Baqsuq ózeni gıdrologııalyq beketinde muz júrý áserinen sý deńgeıiniń kóterilýi jalǵasýda (4 saǵat ishinde 77 sm). Saǵ. 20 jaǵdaı boıynsha sý deńgeıi qaýipti deńgeıden 48 sm asty (qaýipti deńgeı - 690 sm) sý nysanynyń kúıi – beketten joǵary jáne tómen muz keptelisi, muzdyń júrýi.
Qar jamylǵysynyń qarqyndy erýinen, ózen arnasynyń joǵarydaǵy, búıirlik aǵyn jáne jylǵalardan erigen qar aǵynynyń kelýinen ózendegi sýdyń deńgeıi kóterildi. Muz qubylystarynyń áserinen (muz jurý, muz keptelisi) sý deńgeıi odan ári kóterilip, sý ózen jaǵasynan shyǵýy múmkin. Sý deńgeıi qaýipti deńgeıden assa da, sýdyń jaıylýy baıqalmady. Qaýipti deńgeıden asqan kezde aýyldyń ózinde jáne aǵysy boıynsha tómen ornalasqan, sondaı-aq ózenniń jaıylmaly ýchaskelerinde ornalasqan eldi mekenderdi, sharýashylyq qurylystar men jergilikti mańyzy bar joldardy sý basý qaýpi saqtalady.
Qostanaı oblysynda 10-12 sáýir aralyǵynda jańbyr túrindegi jaýyn-shashyn boljamyna baılanysty erigen qar aǵynynyń qarqyndy qalyptasýy, sonymen qatar oblystyń soltústigi men shyǵysyndaǵy ózenderde sý deńgeıiniń kóterilýi jalǵasady. Sý deńgeıiniń qaýipti deńgeıden asyp ketýi jáne ózen jaǵasynan shyǵýy múmkin. Bul rette avtojoldardy, eldi mekenderdi jáne sharýashylyq qurylystardy sý basý qaýpi bar.