Sınoptıkter barlyq óńirde eskertý jarııalady
Almaty oblysynda 11-14 naýryz aralyǵynda kúnniń jylynýynan, qar jamylǵysynyń turaqsyz bolýynan jáne qatty jaýyn-shashynnyń áserinen Úlken jáne Kishi Almaty sý basseınderinde qar kóshkini qaýpi saqtalady. Osyǵan baılanysty qar jatqan taý bókterine shyǵýǵa tyıym salynady.
11 naýryzda Aqmola oblysynyń batysynda jaıaý burqasyn kútiledi. Kúndiz oblystyń ońtústik-batysynda tuman bolady. Ońtústikten, ońtústik-batystan jel soǵady, kúndiz óńirdiń soltústik-batysynda ekpini 15-20 m/s quraıdy.
Almaty q alasynda 12 naýryzda kúndiz qatty jańbyr jaýady. Shyǵystan jel soǵady, kúndiz ekpini 15-20 m/s quraıdy.
11 naýryzda Aqtóbe oblysynyń ońtústigi men shyǵysynda kóktaıǵaq boljanady. Oblystyń basym bóliginde tuman kútiledi. Óńirdiń soltústik jartysynda joldarda kóktaıǵaq saqtalady.
11 naýryzda Atyraý oblysynyń ońtústiginde, soltústigi men shyǵysynda tuman kútiledi.
11 naýryzda Batys Qazaqstan oblysynyń soltústiginde, shyǵysy men ońtústiginde tuman boljanady.
11 naýryzda Shyǵys Qazaqstan oblysyn da jel ońtústik-shyǵystan, ońtústikten soǵady, kúndiz jyldamdyǵy 15-20 m/s quraıdy. Aýa temperatýrasy kúndiz 2-7, oblystyń ońtústiginde 10 gradýs jyly bolady.
12 naýryzda kúndiz oblystyń soltústigi men shyǵysynda qatty jaýyn-shashyn (jańbyr, qar) kútiledi. Óńirdiń soltústigi men batysynda kóktaıǵaq bolady. Jel ońtústik-shyǵystan soǵady, oblystyń soltústiginde, shyǵysynda, ońtústiginde ekpini 23-28 m/s kúsheıedi. Aýa temperatýrasy túnde 0-5 gradýs, kúndiz 0-5, oblystyń ońtústiginde 8 gradýs jyly bolady.
11 naýryzda Abaı oblysynyń kúndiz ońtústiginde jańbyr kútiledi. Jel ońtústik-shyǵystan, ońtústikten soǵady, Jarma aýdanynda kúshi 25 m/s jetedi. Aýa temperatýrasy kúndiz 2-7, oblystyń ońtústiginde 10 gradýs jyly bolady.
12 naýryzda kúndiz oblystyń soltústigi men shyǵysynda qatty jaýyn-shashyn (jańbyr, qar) boljanady. Oblystyń soltústiginde, shyǵysynda kóktaıǵaq bolady. Jel ońtústik-shyǵystan ekpini 23-28 m/s jetedi. Aýa temperatýrasy túnde 0-5 jyly, kúndiz 0-5, oblystyń ońtústiginde 8 gradýs jyly bolmaq.
11 naýryzda Mańǵystaý oblysynyń batysynda, solústigi men ońtústiginde tuman kútiledi.
12 naýryzda Jetisý oblysynda jańbyr, kúndiz ońtústiginde, taýly aýdandarynda qatty jańbyr bolady. 11 naýryzda shyǵystan jel soǵady, Alakól kólderi aýdanynda ekpini 15-20, keı ýaqyttarda 23-28 m/s jetedi.
11 naýryzda kúndiz Túrkistan oblysynyń taýlarynda, 12 naýryzda túnde jáne tańerteń ońtústiginde, taýly jáne taý bókterli aýdandarynda qatty jańbyr kútiledi. 11 naýryzda kúndiz oblystyń taýly aýdandarynda, 12 naýryzda táýlik boıy taýly jáne taý bókterli aýdandarynda naızaǵaı oınaıdy. Kúndiz taý asýlarynda jeldiń kúshi 23 m/s jetedi.
Shymkent qalasynda 12 naýryzda túnde jáne tańerteń keı ýaqytta qatty jańbyr, naızaǵaı kútiledi. 11 naýryzda tańerteń jáne kúndiz, 12 naýryzda táýlik boıy jeldiń kúshi 15-20 m/s quraıdy.
11 naýryzda Soltústik Qazaqstan oblysynyń ońtústigi men shyǵysynda kóktaıǵaq, jaıaý burqasyn, tuman boljanady. Ońtústikten, ońtústik-batystan jel soǵady, kúndiz oblystyń soltústiginde, batysy men shyǵysynda ekpini 15-20 m/s quraıdy.
11 naýryzda kúndiz Pavlodar oblysynyń soltústigi men batysynda kóktaıǵaq kútiledi. Ońtústik-batystan jel soǵady, óńirdiń ontústigi men shyǵysynda ekpini 15-20 m/s quraıdy.
11 naýryzda Qostanaı oblysynyń ońtústik jartysynda kóktaıǵaq, tuman kútiledi. Oblystyń soltústiginde, shyǵysynda jaıaý burqasyn bolady. Jeldiń ekpini – 15-20 m/s.
12 naýryzda Jambyl oblysynyń ońtústik-batysynda, shyǵysynda, taýly aýdandarynda qatty jańbyr kútiledi. 11 naýryzda kúndiz oblystyń batysynda, 12 naýryzda kúndiz oblystyń ońtústiginde, batysyn men shyǵysynda naızaǵaı baıqalady. Jeldiń jyldamdyǵy 23 m/s quraıdy.
Sondaı-aq sınoptıkterdiń málimetinshe, 11-12 naýryzda Jetisý, Almaty oblystarynda jáne Almaty qalasynyń mańyndaǵy aımaqtarda jańbyr túrinde jaýyn-shashyn jaýyp, aýa temperatýrasynyń kóterilýine baılanysty qardyń qarqyndy erýi, erigen qar sýynyń jınalýy jáne taý betkeılerinen tasqyn sýdyń aǵýy, ózen-kólderde muzdyń álsireýi jáne sý deńgeıleriniń kóterilýi kútiledi. Bul rette ózen-kólderde sý arnasynan asyp, sý basý jaǵdaılary bolýy yqtımal.