Sınoptıkter barlyq derlik óńirde eskertý jarııalady

ASTANA. QazAqparat – «Qazgıdromet» RMK 10 tamyzda kún raıynyń qolaısyz bolýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda,kúndiz Almaty oblysynyń basym bóliginde 36 gradýs qatty ystyq kútiledi. Óńirdiń taýly, taý bókterindegi aýdandarynda naızaǵaı oınap, jel soǵady. Ekpini 15-20 m/s quraıdy. Oblystyń soltústigi men ortalyǵynda órt tutaný qaýpi asa joǵary.

Astana qalasynda kúndiz naızaǵaı oınap, shyǵystan, soltústik-shyǵystan jel soǵady. Naızaǵaı kezinde jeldiń kúshi 15 m/s quraıdy. Joǵary órt qaýpi saqtalady.

Túnde Ulytaý oblysynyń soltústiginde, shyǵysynda, kúndiz basym bóliginde naızaǵaı kútiledi. Óńirdiń soltústigi men ortalyǵynda burshaq, daýyl boljanady. Jeldiń ekpini 15-20 m/s quraıdy. Oblystyń ońtústiginde órt shyǵý qaýpi asa joǵary.

Kúndiz Abaı oblysynyń batysy men ońtústiginde keı ýaqyttarda qatty jańbyr jaýyp, naızaǵaı oınap, burshaq túsedi. Naızaǵaı kezinde jeldiń ekpini 15-20 m/s quraıdy. Órt tutanýdyń tótenshe qaýpi saqtalady.

Kúndiz Qaraǵandy oblysynyń ortalyǵy men shyǵysynda qatty jańbyr jaýady. Túnde óńirdiń soltústigi men ortalyǵynda, kúndiz basym bóliginde naızaǵaı kútiledi. Soltústik jáne ortalyq aýmaqta burshaq, daýyl boljanady. Jeldiń jyldamdyǵy 15-20 m/s quraıdy. Oblystyń ońtústiginde tótenshe órt qaýpi saqtalady.

Kúndiz Shyǵys Qazaqstan oblysynyń batysynda, soltústigi men shyǵysynda keı ýaqyttarda qatty jańbyr, naızaǵaı, burshaq kútiledi. Jel ońtústik-shyǵystan, ońtústikten soǵady, kúndiz naızaǵaı kezinde ekpini 15-20 m/s quraıdy. Órt tutaný qaýpi asa joǵary.

Kúndiz Atyraý oblysynda 35-37 gradýs qatty ystyq saqtalady. Órt shyǵý qaýpi joǵary.

Aqtóbe oblysynyń shyǵysynda naızaǵaı kútiledi. Soltústikten, soltústik-shyǵystan jel soǵady, oblystyń shyǵysynda ekpini 15-20 m/s quraıdy. Oblystyń ońtústigi men ortalyǵynda tótenshe órt qaýpi saqtalady.

Kúndiz Qyzylorda oblysynyń soltústiginde naızaǵaı oınap, soltústikten jel soǵady. Kúndiz jeldiń ekpini 15-20 m/s quraıdy. 10-12 tamyzda oblystyń basym bóliginde tótenshe órt qaýpi saqtalady.

Kúndiz Batys Qazaqstan oblysynyń ońtústik-batysynda 37 gradýs qatty ystyq saqtalady. Óńirdiń basym bóliginde órt tutaný qaýpi joǵary.

Túnde Aqmola oblysynyń batysy men ońtústiginde, kúndiz basym bóliginde naızaǵaı kútiledi. Kúndiz óńirdiń ońtústiginde, batysynda burshaq jaýady. Kúndiz naızaǵaı kezinde jeldiń ekpini 15-20 m/s quraıdy. Órt tutaný qaýpi asa joǵary.

Tańerteń jáne kúndiz Pavlodar oblysynyń ońtústiginde qatty jańbyr jaýyp, soltústiginde, batysy men ońtústiginde naızaǵaı, burshaq kútiledi. Soltústik-shyǵystan, soltústikten jel soǵady, kúndiz soltústiginde, batysynda ekpini 15-20 m/s quraıdy. Oblysynyń ońtústik-shyǵysynda joǵary órt qaýpi saqtalady.

Túnde jáne tańerteń Mańǵystaý oblysynyń batysynda tuman kútiledi. Kúndiz oblystyń basym bóliginde 38-42 gradýs qatty ystyq saqtalady. Órt tutaný qaýpi asa joǵary.

Qostanaı oblysynyń soltústiginde, shyǵysy men ońtústiginde naızaǵaı oınap, tnde jáne tańerteń oblystyń batysy men soltústiginde tuman kútiledi. Soltústikten jel soǵady, oblystyń soltústiginde, shyǵysynda ekpini 15-20 m/s quraıdy. Ońtústik aýmaqta órt tutaný qaýpi asa joǵary.

Kúndiz Jetisý oblysynyń ońtústigi men taýly aýdandarynda naızaǵaı kútiledi. Ońtústik-batystan jel soǵady, naızaǵaı kezinde kúshi 15-20 m/s quraıdy. Kúndiz oblystyń basym bóliginde 35-36 gradýs qatty ystyq bolady. Óńirdiń barlyq derlik aýmaǵynda órt shyǵý qaýpi asa joǵary.

Tańerteń jáne kúndiz Túrkistan oblysynyń taýly aýdandarynda naızaǵaı kútiledi. Ońtústik-batystan, batystan jel soǵady, oblystyń taýly aýdandarynda kúshi 15-20 m/s quraıdy. Óńirdiń soltústiginde, batysy men shóldi aýdandarynda tótenshe órt qaýpi saqtalady.

Kúndiz Soltústik Qazaqstan oblysynyń batysynda, soltústigi men shyǵysynda naızaǵaı, burshaq, daýyl kútiledi. Jeldiń kúshi 23 m/s artady. Oblystyń ońtústiginde joǵary órt qaýpi saqtalady.

Jambyl oblysynda naızaǵaı, jel kútiledi. Órt tutaný qaýpi joǵary.