Sınoptıkter Atyraý turǵyndaryna aldaǵy úsh kúnde saq bolýdy eskertti

<p>ATYRAÝ. KAZINFORM &ndash; Atyraý oblysynda aldaǵy úsh kúnde kóktaıǵaq bolady. Osyǵan baılanysty jergilikti sınoptıkter turǵyndarǵa saq bolýǵa keńes berdi.&nbsp;</p>

«Qazgıdromet» RMK Atyraý oblysy boıynsha fılıaly boljaý bóliminiń basshysy Aına Qazǵulovanyń aıtýynsha, qar aralas jaýyn-shashynnyń táýliktik mólsheri 13 mm-ge jetken.

«Oblystyń ońtústigi men shyǵysynda qar jaýady. Tuman túsip, kóktaıǵaq bolatyny boljanyp otyr. Túnde ekpini 18-23, kúndiz oblystyń ońtústigi men shyǵysynda 15-20 m/s jel soǵady. Aýa temperatýrasy túnde -1-6 gradýs aralyǵynda aıaz bolsa, kúndiz -3 +2 aralyǵynda qubylady. 7 aqpanda osyndaı aýa raıy saqtalyp, boran, tuman, kóktaıǵaq pen jel soǵady. Sondyqtan turǵyndar alysqa jolǵa shyqpaǵany jón. Qaýipsizdik sharalaryn saqtaýy qajet», - deıdi Aına Qazǵulova.

Onyń aıtýynsha, 8-9 aqpanda túnde jaýyn-shashyn, kúndiz oblystyń soltústigi men shyǵysynda qar aralas jańbyr jaýady. Jaýyn-shashynnyń sońy kóktaıǵaqqa ulasady. Soltústik-batystan soqqan jel 15-20 m/s jetedi. Aýa temperatýrasy túnde 0-5 gradýs aıaz, kúndiz +2-7 gradýs jyly bolady.

Eske sala ketelik, budan buryn Atyraý kóshelerinen kesheden beri 2,4 myń tonna sý sorylǵanyn jazǵan bolatynbyz.