Sınoptıkter aldaǵy úsh kúnniń aýa raıy boljamyn jarııalady

ASTANA. QazAqparat – Aldaǵy kúnderi Qazaqstannyń aýa raıyna ylǵaldyń úlken qory bar az jyljymaly soltústik-batys tsıklony yqpal etetin bolady, dep habarlaıdy QazAqparat «Qazgıdromet» RMK-ǵa silteme jasap.

«Jańbyr men qar jaýady, 4 qarasha kúni kúndiz, 5 qarasha kúni túnde soltústik-batysta, soltústikte, 4 qarasha kúni kúndiz, 5 qarashada táýlik boıy ońtústiktiń, ońtústik-batystyń taýly jáne taý bókterli aýdandarynda nóser jaýyn jaýady. 5 qarashada túnde Qazaqstannyń ońtústik-batysynda qatty jańbyr jaýýy yqtımal. Respýblıka boıynsha tuman túsip, kóktaıǵaq, soltústik-batys, soltústik óńirlerde jel kúsheıip, jaıaý burqasyn bolady. Qazaqstan boıynsha temperatýralyq fonda kúrt ózgerister kútilmeıdi», - delingen sınoptıkterdiń habarlamasynda.